ખુલી આંખે જ જોયા કરું છુ, સ્વપન તારું
સ્મિત લાવે છે મારા મુખ પર, સ્મિત તારું
કેમ કહું તને કે, હું કેટલો પ્રેમ કરું છુ
હજુ વધુ તને પામવા, વલખાં કરું છુ
ઘવાય ચૂક્યો છુ, તારી આ નજરનાં ઘાવથી
ધબકારા ચૂકી જાય આ દિલ, તારા નામથી
તોયે હું તો તારું જ નામ જપ્યા કરું છુ
કેમ કહું તને કે, હું કેટલો પ્રેમ કરું છુ
મારી જ મસ્તીમાં મદમદતો રહેતો પેલો તો
દિલનાં દરિયે તોફાનો શાંત રહેતા પેલા તો
તને જોવા, દીલ ભડકે બાળ્યા કરું છુ
કેમ કહું તને કે, હું કેટલો પ્રેમ કરું છુ
તું પુછે છે ને મને કે, સપના આવે છે મારા
સાચું કહું, સુજા જ ક્યાં દેય છે સપના તારા
સપનાને જીવવા સપના જોયા કરું છુ
કેમ કહું તને કે, હું કેટલો પ્રેમ કરું છુ
છુપાવ્યા હશે મારાથી તે ઘણા દુખ તારા
ઓઢી લેવા છે મારે એ બધા જ દર્દ તારા
હવે તારા દુખને હું મારે નામ કરું છુ
કેમ કહું તને કે, હું કેટલો પ્રેમ કરું છુ
હજુ વધુ તને પામવા વલખાં કરું છુ
કેમ કહું તને કે, હું કેટલો પ્રેમ કરું છુ
