દંભ...
દેશમાં દ્વેષ નો વેશ ,
સૌહાર્દ નું નામશેષ .
વેરભાવના નો નાંખી ખેસ ,
સામાજિકતા નો આભાસી પરિવેશ .
ધર્મનિરપેક્ષતા (સેક્યુલર) નું છદમાવરણ ,
ડહોળે શાંતિનું વાતાવરણ .
દેશને અસહયોગ માં પૂર્ણ સહયોગ ,
વ્યક્તિવિશેષ નાં વિરોધનો કેવો યોગાનુયોગ .
ઉદારમતવાદી (લિબરલ) હોવાનો દંભ ,
નફરતનો છલકાયો કુંભ .
અકારણ વિરોધનાં વંટોળ ,
વિચારવિવેક થયાં ડામાડોળ .
નિત્યનૂતન વિષય ઊપજાવી ,
દેશની ગરિમા ખરડાવી .
ધરી અભિવ્યક્તિની સ્વતંત્રતા નો લિબાસ ,
નિરંતર દેશવિરોધી વાણીવિલાસ .
દેશ જ્યારે ચઢે પ્રગતિની વેલ ,
પેટમાં ત્યારે અચૂક રેડાય તેલ .
દેશ અગ્રસર પ્રગતિનાં પંથે ,
ઊતરે ન આ વાત કંઠે .
નગણ્ય મુદ્દે મીણબત્તી નાં સરઘસ નીકળે ,
દેશ કાજે જો હોય કરવું ! તો ન કોડિયું કે ન મીણબત્તી પરવડે .
છે સંવિધાન અને ન્યાયતંત્ર ખતરામાં ,
રહે હરહંમેશ આજ ભ્રમણામાં .
અચૂક અવિરત નિશાને વ્યક્તિવિશેષ ,
હૂંફ નાં કેન્દ્રસ્થાને હરહંમેશ ધર્મવિશેષ !
લોકશાહી ની આડશમાં
રાષ્ટ્ર સમ્માન નું અમાપ અપમાન !
વિચાર નવભારતનો માથું ઊંચકે ,
ચાણક્યનીતિ લાવશે ઠેકાણે સાન !
.
.
✍🏼.. પંકિલ દેસાઈ
