#'ઓઢણી'
મારા વ્હાલાને ખાતર સોળેશ્રૃંગાર,
ઓઢણી ઓઢુંને વ્હાલો મારો સાંભરે. મારી ઓઢણીમાં મોરલાની ભાત,
દિલનો મોરલો ટહૂકેને વ્હાલો મારો સાંભરે,
મેહુલીયો વરસ્યોને ઓઢણી ભીંજાઈ ,
દીલડુ મારૂ તરબતર થાય ને વ્હાલો મારો સાંભરે,
વાયુના વિંઝણા વિંઝાય,
ઓઢણી માથેથી સરકી ને
વ્હાલો મારો સાંભરે,
હૈયુ મારુ થરકે ને,
શરમના શેરડા ફૂટે ,
સપનાનાં ઓરતાંમા નવવધુની
ઓઢણી દેખાય ને
વ્હાલો મારો સાંભરે. -ઋતંભરા વિશ્વજીત
