# કવિતા શું છે ..??
લાગણી જ્યારે અક્ષર દેહે ઢળી પડે છે ,
કલમ તણી સાહીથી ન કહેવાયેલુ પણ સમજી શકાય છે ,
એ છે કવિતા ..!!
કવિનો હ્ર્દય પટારો જ્યાં વાચક સમક્ષ ખુલ્લો મુકાય છે ,
કાળની થાપટોના કેટલાયે ઘા તાજા થઈ ત્યાં લખાય છે ,
એ છે કવિતા ..!!
કંઈ કેટલાય મનના તરંગોને વટાવ્યા પછી જે શબ્દો ગોઠવાય છે ,
ભાષા અને અલંકારો થી પર જ્યાં સંવેદના ઠલવાય છે ,
એ છે કવિતા ..!!
ખુશી અને ગમના મિશ્રણ થી જ્યાં કોઇક સંદેશો જગને અપાય છે ,
હર્ષ અને શોકની ઘડીઓ જ્યાં શબ્દોમાં પરોવાય છે ,
એ છે કવિતા...!!
ઈતિહાસ થી લઈને વર્તમાન સુધીની જ્યાં સફર ખેડાય છે ,
ગુલામી થી લઈને સ્વતંત્રતાના સૂરો જ્યાં રેલાય
છે ,
એ છે કવિતા ..!!
