#LoveYouMummy
મારી પ્રિય સખી...મારી મમ્મી..
શું લખું હું તારા માટે?!,શબ્દો મળતા નથી..
વાગોળુ છું મનમાં,પણ શબ્દો લખાતા નથી..
સૌ પહેલા તને મારી કવિતા ની ગમતી પંક્તિ જ લખું છું,
"માનવી માનવી બની શકે છે,..પરંતુ, માં...નવી નથી બનતી..
મળી જાય છે બધું શોધતા,પરંતુ માં..નથી મળતી.."
તારો ભાર તો મને લાગ્યો જ નથી, છતાં આભાર વ્યક્ત કરુ છું.
તારું ૠણ તો જન્મો જનમ ના ચુકવાશે.એક અરજ છે મમ્મી તને.હરેક જન્મારે તું જ મારી માં બનજે.હંમેશા હું પપ્પા ને જ ખૂબ વ્હાલ કરતી રહી..પણ તારા માટે પ્રેમ તો મારા હદય માં છલકાય.પપ્પા ના ગયા પછી તે તારુ કાળજું કઠણ કરી ને અમને સાચવ્યા.તે જ માં બાપ બંને નો પ્રેમ આપ્યો. હંમેશા અમારું જ વિચાર્યું,તારા દુખ નો અણસાર પણ ન આવવા દીધો.બસ હવે તો કાના ને એક જ પ્રાર્થના કે,"તારો કુળ દીપ આમજ ઝળહળતો રહે,
તારા ઘર માં નિ:લેસ પણ દુખ ન આવે,નિત નવી ઋચા ની સૌરભ તારા ઘર માં ફેલાતી રહે,તારા ઘરમાં હર હંમેશ પ્રહષૅ સહ પવઁ ઉજવાતા રહે.."
લિ.તારો જ અંશ,તારી વહાલી દિકરી.
કિંજલ.
