#Kavyotsav
માડી
માડી તારા ગુણલા ગાવા શબ્દો મને ઓછા પડે,
નવા શબ્દો ગોતી લાવું કે શબ્દકોશ મને ટૂંકા પડે.
તારા વિચારે મનમાં જાગે જે ભાવ મીઠો-મીઠો,
ગદ્દ-ગદ્દ થાતું રોમ રોમ મારું ને હું હષૅઘેલો.
ક્યાં થી ફૂટી સરવાણી આવી મમતા જેનું નામ,
મને જોતા ક્યાંથી છલકે મારી માં ના થાન?
વગર કીધે સમજે બધું, મન મારું જાણે…
ક્યારેક હસાવે, ક્યારેક રડાવે, થોડાંક ટપલા મારે.
કુંભાર જેમ ઘડો ઘડે, ઘડતી મને રોજ,
એક આંખે પ્રેમ, એકમાં ગુસ્સો, મનમાં રાખે મોજ.
ટીપું ટીપું ટપકાવે,પાષાણ માં ખાડા પાડે,
મુશ્કેલી સામે કેમ ટકવું, રોજ મને શિખવાડે.
કાળા માં થી ધોળા થયા, થયા થોડા પાંખા,
તોય સરવાણી વહેતી જાય, નામ એનું માતા.
અમિષા શાહ _અમી.
