હું સુતો હોઉં ને તારી લટ મારા મ્હો પર સરે એ મને ગમે,
મારી ઉપર તું ક્યારેક સાવ ખોટી દાદાગીરી કરે એ મને ગમે.
મને સહેજ કઈ થાય ને
તારો જીવ બહુ બળે એ મને ગમે,
મને મોડું થાય ને તને મારા પર
બહુ ગુસ્સો ચડે એ મને ગમે.
નાની નાની વાતોમાં મને તારી બહુ જરૂર પડે એ મને ગમે,
તું મારા વાંક ગુનાઓ ભૂલી જઈને મારા પર મરે એ મને ગમે.
હું સંતાઉ ને તું મને શોધવા
રઘવાયી થઈને ફરે એ મને ગમે,
રોજ ઝગડીએ ને તોય તું મને તારો પોતાનો ગણે એ મને ગમે.
તું બસ ખોવાયેલી હોય મારામાં જ પ્રત્યેક ક્ષણે એ મને ગમે,
કશું સારું ના હોય તોય બધું સારું છે કહી મને છળે એ મને ગમે.
આપણા બંનેના પ્રેમની મિસાલ અપાય ઘરે ઘરે એ મને ગમે..
ચાલ, જતું કરી બધું આવીએ એકમેકની ખૂબ નજીક એ મને ગમે...
