ધડકતા હૃદયે તારી પાસે આવી છું,
નીચી નજરે આખો પ્રણય લાવી છું.
હળવા રણકારમાં મહેકી છે આ ખામોશી,
શ્વાસમાં તારી જ મહેક ભરી લાવી છું.
કંઈ માંગવાની હવે ઈચ્છા રહી નથી મને,
તારાથી જ આજે તને લેવા આવી છું.
પગરવમાં તારા જ ગુંજે છે મધુર નૂપુર,
હું મારી જાતને તારામાં ખોવા આવી છું.
હવે આ દુનિયાના બંધનો મને રોકશે શું?
હું તો આકાશી પ્રેમનો લય લાવી છું.
તારી આંખોમાં દેખાય છે મારું જ આયખું,
હું તારા પ્રેમનો આખો વિજય લાવી છું.
