:- " ના શોભે " :-
માણસાઈ વિના કદી માણસ ના શોભે;
જ્યોત વિના કદી કોઈ ફાનસ ના શોભે;
લાખો ટહેલે ભલેને પંખી આ પીંજરમાં,
વિહંગાવલોકન વિનાં આકાશ ના શોભે;
મળી ગયાં છે જ્યારે દિલ એકબીજાના,
મંગળ કે ગ્રહોની કોઈ આડસ ના શોભે;
સ્વપ્ન પૂર્ણ કરવા મંડ્યા રહો દિવસ રાત,
એમાં જરા પણ કરવી આળસ ના શોભે;
દિશા પણ જરૂરી છે લક્ષ્ય હાંસલ કરવા,
ખાલે ખાલાં કરવા "વ્યોમ" પ્રયાસ ના શોભે;
✍... વિનોદ. મો. સોલંકી "વ્યોમ"
જેટકો (જીઈબી), મુ. રાપર.
