આજે મંદિરે જવાનું આમપણ મોડું થયું હતું અને ઉતાવળમાં બહાર નીકળ્યો ત્યાં જ ઘરની બહાર એક ખુણામાં ચકો ચકી બન્ને ચીં ચીં ની ચિચિયારીઓ કરી રહ્યા હતા તેમને જોતા તે વિહ્વળ લાગતાં હતાં
હવે થોડું ધ્યાનથી જોતા ખ્યાલ આવ્યો કે તેમનું એક બચ્ચું માળામાંથી નીચે પડી ગયું હતું માટે માતૃત્વનો બાળ રક્ષા માટે આતો મદદનો પોકાર હતો,
ઘરમાંથી ઝડપથી સ્ટુલ લાવી બચ્ચાને સાવચેતી થી યોગ્ય રીતે પકડીને સ્ટુલ ની મદદથી તેને સુરક્ષિત માળામાં મુકી દીધું,
આ કામમાં સમયસર મારે મંદિરે જવાનો ક્રમ હતો તે તુટી ગયો તેનું ક્ષણિક દુઃખ થયું સાથોસાથ પેલા ચકો ચકી અને તેના બચ્ચાની ત્રિપુટી નાં મિલનની ચિચિયારીઓ વાતાવરણ ને પ્રફુલ્લિત કરતી જોતા એક અલગ જ પ્રકારનો આત્મસંતોષ હતો.
