કાશ.. પાછું નાના થઈ શકાય
તારીખયાનાં પન્ના બદલાય
સમય સાથે વરસ-
વરસો બદલાય
પણ
અડીંગો જમાવેલ આ ખાલીપો
કેમેય ન ભરાય...
હૃદયનું રિક્ત સ્થાન
હોઠ પર રમતું નામ
મનનો ભરોસો
પપ્પા છે ને... ખોવાયો..
ભેજ
ધુંધળા દૃશ્યો
ને
અકથ્ય ભાર...
મોબાઇલમાં સચવાયેલ નંબર
સંપર્ક છૂટયો
અઢળક તસ્વીરો ને યાદો
સ્મૃતિપટ પર ડોકાયા કરે..
પણ
વાત્સલ્યભર્યો સ્પર્શ ક્યાંથી લાવું...
વણ ઉકેલ્યા સવાલો મુંઝવે
શું કરું? કોને કહું
જ્યાં ઘરનો મોભ જ...
રજાઓની રાહ..
હવે નથી જોવાતી..
આવે છે ને?
હવે નથી પૂછવાવાળું
વીસ વર્ષ બેવડી ભૂમિકા ભજવી
અચાનક સાથ છૂટયો..
પપ્પા... તમારી યાદો..
તમારી શીખ
સતત સાથે
ટેબલની પરની ફ્રેમમાં
હસતો ચહેરો
ઉદાસી વધારે
રિક્તતા
તમારી વિદાય પછી
મોટાપણાનો ભાર લાગે
કાશ..
પાછું નાના થઈ શકાય...©
વી મીસ યુ.. પપ્પા.. લવ યુ લોટ
કાજલ
કિરણ પિયુષ શાહ
