મારો બકરો ખોવાયો રે....!
અમદાવાદમાં બનેલી એક ઘટના
હાલ શ્રાવણ મહીનો ચાલી રહ્યો છે તેના પછી ઇદ આવશે, મુસ્લીમ ભાઇઓનો પવિત્ર દિવસ તેથી ઘણા લોકો આજકાલ બકરો ખરીદવા લાગી ગયાછે તો એક ચાલીમાં રહેતા એક મુસ્લીમ ભાઇએ બજારમાં ભરાતી ગુજરીમાથી એક હટ્ટોકટ્ટો ઇદ માટે બકરો ખરીદ્યો પછી તો તે બકરો ઘેર લાવીને દોરીથી એક લાકડે બાંધી દીધો ખાવા માટે લીલુ ઘાસ નાખ્યુ બકરો તો નવુ ઘર જોઇને વિચારવા લાગ્યો કે આ મારુ ઘર નથી, કોઇ બીજાનું જ છે તેથી તેને પાસે પડેલુ લીલુંછમ ઘાસ પણ તેને મોઢામાં ખાવા ના મુક્યુ રાત પડી એટલે પેલા ભાઇ તો ઘરનો દરવાજો બંધ કરીને બધા સુઇ ગયા પછી બકરો એકલો પડયો એટલે ભાગી જવા બહુ ધમપછાડા તેને કર્યા પણ ગળે બાંધેલી દોરી તુટી નહી પણ આખી રાત દોરી તોડવાની કરેલી મહેનત વહેલી સવારે રંગ લાવી, ચાર વાગ્યાની આસપાસ બાંધેલી દોરી તુટી ગઇ ને પછી તો બકરાને ભાગવાની આઝાદી મળી ગઇ તે તો ભાગ્યો એક શેરીમાંથી પછી બીજી શેરીમાં ને પછી પાછી ત્રીજી શેરીમાં..
આ બાજુ બકરાનો બોલવાનો અવાજ બંધ થવાથી સુતેલા ભાઇ જાગી ગયા ને વહેલા ઉભા થઈ ને ઘરનું આગળ બારણું ખોલીને જોયું તો બકરાભાઇ ગાયબ! દોરી નીચે તુટેલી પડી હતી તરત તેઓ ઘરમાં જઇને પોતાના છોકરાને ઉઠાડયો ને બોલ્યા ઉભો થા ને જા જલદી આપણો બકરો શોધી લાવ આપણા ઘરેથી કયાંક ભાગી ગયો છે જા શોધી લાવ, છોકરો બકરાની શોધમાં ઘરેથી નીકળી પડયો આ શેરીથી પેલી શેરીમાં આમ તે અલગ અલગ મહોલ્લાઓમાં ભટકતો રહ્યો પણ તેનો બકરો દેખાયો નહી આમને આમ બકરાને શોધતાં શોધતાં સવારના સાત વાગી ગયા તો એક શેરીમાં બેઠેલા કોઇ બીજી જ્ઞાતીના ચાર પાંચ જણને આ છોકરા ઉપર કંઇક શંકા ગઇ કે આ છોકરો કોઇનો બકરો ઉપાડવા આવ્યો લાગેછે, કસાઇ જેવો પણ લાગેછે પછી તો આ બધાઓ ભેગા થઇ ને પેલા છોકરાને ઢબ ઢબ ટીપી નાખ્યો ત્યારબાદ પોલીસને જાણ કરી, પોલીસ આવી પોલીસ પહેલા તો તેને હોસ્પિટલમાં સારવાર માટે લઇ ગઇ પુછપરછ બાદ પોલીસને આખી વાત સમજાઇ ગઇ ને પછી પેલી પરજ્ઞાતી વાળાઓને બોલાવીને સમજાવ્યા કે આ કોઈ કસાઇ નથી પણ તેનો ખોવાયેલો બકરો શોધવા ગલી ગલીમાં ભટકતો હતો ત્યારે લોકોને ખરી વાત સમજાઇ કે આપણે નાહક કસાઇ સમજીને છોકરાને ખુબ માર માર્યો ત્યારબાદ તેઓએ પેલા છોકરાની માફી માંગી ને અંદરો અંદર સમજુતી થતા પોલીસે બધાને છોડી દીધા.
