દિલ મારુ લાગતું નથી ક્યાંય તારા વિના,
મન મારુ માનતું નથી કેમ તારા વિના,
નિત મેળો જામે ઘર માં, મિત્રો આપે છે તાલી,
તોય ખાલીપો જ વરતાય કેમ તારા વિના.
દિવસ તો સારી રીતે નીકળી જાય છે અમારો,
રાત પડે ને આફત પડે છે કેમ તારા વિના.
છે બધુજ પાસ મારી, છુ સર્વ સુખોથી વ્યાપ્ત,
તોય મારા ખજાને કાંઇક ખૂટે છે તારા વિના.
આપે શિતળતા ચંદ્ર ને ચાંદનીની રાત મિલનની,
વિરહની વેદના કેમ અનુભવાય છે તારા વિના.
કરુ બંદગી ને માંગી લઉ ખૂદા પાસેથી તને,
મારી બંદગી ને બળ મળતું નથી કેમ તારા વિના.
