ક્યાંક કોઈ ઉંચે પહાડ પર પ્રકૃતિના ખોળે બેસીને પોતાની જાત સાથે જ કરવી છે વાતો,
મનમાં ચાલી રહેલા દરેક પ્રશ્નોના જવાબ મારે ત્યાં જ શોધવા છે,
થોડીક ક્ષણો વિતાવીને મારે જિંદગી પ્રત્યે હળવા થવું છે,
શીત પવનમાં કોઈને ન કહેલી મનની વાતો આજે મારે આ પ્રકૃતિને કરવી છે,
પક્ષીઓ,મંદ ગતિના સમીર સાથે આજે વાર્તાલાપ કરવો છે,
અને એને પણ અહેસાસ અપાવવો છે,
કે જો કોઈ નહીં હોય ને તારી વાત સાંભળવા માટે,
તો હું તો જરૂર હોઇશ તારી સાથે,
ક્યાંક કોઈ ઉંચે પર્વતે બેસીને જાત નિરીક્ષણ કરવું છે!!