જાતથી કાયમ અમે ખસતાં રહ્યા
એટલે તો અન્યમાં ભળતા રહ્યાં
એક તારણથી કદી આગળ વધ્યા
ઠેસ ખાઇને સદા હસતાં રહ્યા
આયનાને રોજ અચરજ જોઇએ
આંખ સામે જાત છેતરતા રહ્યા
લાગણીનો જ્યા પથારો પાથરી
છેવટે હું તું ને એકલતા રહ્યા
કાગળૉમાં કાવ્ય ફૂલો સમ લખ્યાં
શબ્દની ઝાકળ મઢી સજતા રહ્યા
હું નમાજી છું ભૂલ્યો છું હવે
મયની પ્યાલી ભરી ઝૂમતાં રહ્યાં
સાવ નક્કર કાળજા ફાડ્યા અમે
પ્રેમના ફૂલો બની ઉગતા રહ્યાં
આ "મહોતરમાની" મીઠી મ્હેર છે
પ્રેમની તાજી ફસલ લણતા રહ્યા
~નરેશ કે. ડોડીયા