જન્મ અને મૃત્યુ , અનિવાર્ય છે, કૃષ્ણ કહે,
કર્મ નીજ સ્વભાવે,અનિવાર્ય છે, કૃષ્ણ કહે;
કર્મ અકર્મ વિકર્મ , ગતિ કર્મો ની અવશ્ય છે,
ક્રિયમાણ કર્મ અહીં,અનિવાર્ય છે, કૃષ્ણ કહે;
સંચિત ભાથું છે, સંસ્કાર નો ઢગલો આપણો,
પ્રારબ્ધથી ભોગવવા,અનિવાર્ય છે, કૃષ્ણ કહે;
સકામ નિષ્કામ કે, ભાવ અભાવ માં કર્મ ખરે,
મુક્તિ ચાહે અનાસક્તિ,અનિવાર્ય , કૃષ્ણ કહે;
સર્વ સંકલ્પ તણો ત્યાગ ,કહ્યો છે સંન્યાસ ને,
ત્યાગીને ભોગવવું ધર્મ,અનિવાર્ય છે, કૃષ્ણ કહે;
સત અસતની વ્યાખ્યા કરવી અઘરી માયા માં,
શરણાગતિ માં આનંદ, અનિવાર્ય છે, કૃષ્ણ કહે
==={{{={{}}==}}==={{{={{}}==}}===