મમ્મી,
નાનપણમાં શીખેલી એ પા પા પગલી કરતા મને એ ઓળખાણો વધારે યાદ આવે છે,
બધાની ઓળખાણ એક પછી એક,
તે કરાવી પણ પોતાની ઓળખાણ તો છેલ્લે રાખી,
કયો સંબંધ ક્યાં અને કેવી રીતે હોય છે તેની તે શીખ તો આપી,
પણ તારો સંબંધ કેવો અને કેવી રીતે મારી સાથે છે, તેની ઓળખાણ તે સમયને સોંપી દીધી.
મમ્મી,
તારી ઓળખાણ તો બહુ જબરી નીકળી સમયે તો બહુ મોટી બતાવી,
બહુ મોટી નીકળેલી ઓળખાણ એ મને ત્યારે મળી જ્યારે તું દૂર હતી,
મમ્મી,
બધા લોકો સાથેના સંબંધો ની દોરી તારા થી શરૂ થતી હતી,
સંબંધોને સાચવવા માટે જે દોરી હતી,
એ દોરી તો તું જ હતી,
આ દોરી તો એટલી બધી મજબૂત નીકળી કે બધા સબંધો તો દેખાયા પણ,
એ દોરીની સાચી કદર જ્યારે તું નથી ને ત્યારે થાય છે...
મમ્મી.