ચંદ્રયાન -૨
અમે ભાગી ગયાં છે ક્યાં કદી મેદાન છોડીને,
સફળતાની સીડી મૂકી સ્વદેશી યાન છોડીને.
તમે નિષ્ફળ ગણો છો એ તમારી માનસિકતા છે,
પરત આવી ગયા છે કીમતી સામાન છોડીને.
અમે તો ચાંદને મામા કહી બોલાવી એ છીએ,
જગતમાં ક્યાં છે આવો ભાવ હિંદુસ્તાન છોડીને.
અમે આ ચાંદ તો શું!! દૂર મંગળ પર કરીશું ઘર,
પરત પગલા નથી ભરતા કોઈ અભિયાન છોડીને.
બહુ જાણીતું છે સાગરની સાથે ચંદ્રનું જોડાણ,
કશું નક્કર જ કરવું છે જુના અનુમાન છોડીને.
રાકેશ સગર, સાગર ,વડોદરા
