શીર્ષક:- બોયફ્રેન્ડ
ડો. રંજન જોષી
મમ્મી-પપ્પાના એકસીડેન્ટલ ડેથ પછી મારું જીવનબળ એટલે ભઈલો. કોલેજમાં મારા બે દોસ્તો તારિક અને સારિક. એ બંને મારો પડછાયો બની ઊભા રહે. દરેક વાર તહેવારે, પ્રસંગે અમે સાથે જ હોઈએ. બધાને એ મારા બોયફ્રેન્ડ જ લાગે. એક સવારે પ્લેન ક્રેશમાં મેં ભઈલાને પણ ગુમાવ્યો. મારી માથે આભ ફાટી પડ્યું. હું સાવ એકલી થઈ ગઈ. ઓગષ્ટનો એ રવિવાર અને તારિક-સારિક મારી પાસે આવી ઊભા રહ્યાં. હું ખિન્ન થઈ ગઈ કે આ લોકો અત્યારે પણ ફ્રેન્ડશીપ... ને ત્યાં જ સારિક બોલ્યો. "રક્ષાબંધન છે, તારા ભાઈઓને રાખડી નહીં બાંધે?"
