સવારે એક સરનામું શોધું તારી અંદર
એક સાંજ મહેકી જાય તારી અંદર
મધરાતનો મુકામ શોધું તારી અંદર
એક પરોઢ ઉગતી જાય તારી અંદર
તરસ્યો હું પાણીનું પરબ શોધું તારી અંદર
એક મૈયખાનું છલકી જાય તારી અંદર
સ્થિરજળ સમજી કાંકરી ફેંકુ તારી અંદર
એક પ્યાસ ભડકી જાય તારી અંદર
બંધ આંખોનું સપનું શોધું તારી અંદર
એ સપનું હક્કીતમાં બદલી તારી અંદર
ખોવાય જાવ એવી રીતે તારી અંદર
એક જીવન અટકી જાય તારી અંદર
ઝાકળોનું આચ્છાદન શોધું તારી અંદર
એક સ્પદન સરકી જાય તારી અંદર
અતિતના ઘાવને ભૂલાવું તારી અંદર
મારો વર્તમાન સુધરી જાય તારી અંદર
મૌસમનો મિજાજ પારખું તારી અંદર
હું વંસતની જેમ મહેકી જાંઉ તારી અંદર
વિલિન થાંઉ પંચમહાભૂતની જેમ તારી અંદર
મારું જીવતા જગતીયું થાય તારી અંદર
- નરેશ કે.ડૉડીયા
મિત્રો મારા પેજની લિંક લાઇક કરશોજી અને આપના મિત્રો સાથે શેર કરશોજી અને લાઈક કરવાનુ કહેશોજી
https://www.facebook.com/Naresh-K-Dodia-782034368811941/
