#kavyotsav_2
બા-દાદા
આજે ફરી તમે યાદ આવ્યા..
પ્રેમ અને નફરતની ગણતરી ચાલતી હતી,
વ્હાલની વાત આવી, તો તમે યાદ આવ્યા;
પડોશના બા ને ઢોલના તાલે ગરબા લેતાં જોઈ,
બા તમે આજે ફરી યાદ આવ્યા..
જૂનાં કબાટમાંથી ઢીંગલી મળી આવી; ઢીંગલી કહેનારા,
દાદા તમે મને ફરી યાદ આવ્યા;
મમ્મીએ બનાવેલાં અથાણાંની બરણી નજરે પડી,
એમાં બોળીને કોળિયો કોણ આપશે, તમે યાદ આવ્યા..
આજે સવારે જ્યારે પપ્પા ખિજાયા તો રિસાઈ જવાયું,
ખોળામાં બેસાડી મનાવશે કોણ, તમે યાદ આવ્યા;
ઉનાળાની ગરમીમાં છાંયડો તો મળી ગયો,
પણ હૂંફ શોધવા નીકળી, તો તમે યાદ આવ્યા..?
