હું ક્યાં જાતે ઉડી હતી;
હવા નાં રુખ માં , ખુલ્લા આકાશ માં;
તમારો જ માંજો અને તમારી જ કન્યા
તમે જ લગાડેલી એ ગુંદરપટ્ટી,
વેગ લાગ્યો ત્યાં જ મુડી હતી;
તમારા જ આંચકા ને તમારી જ ઢીલ,
ને ગગન માં મહાલતા મહાલતા
જ્યારે અન્ય પતંગો એ પેચ લડાવ્યો ,
ત્યારે તમારા કહ્યા પ્રમાણે જ હું લડી હતી.
અને જ્યારે કપાઈ ગઈ,
ત્યારે હસતા મોઢે ,
હું એ ધૂળ માં આવીને પડી હતી ;
પણ કોઈને કહેશો નહિ કે
હું થોડું રડી હતી.
~ કોમલ જોષી
