कोण आहेस तू...?
जरा विचार तुझ्या प्रेमाला...
नजरेत बघ थोडं,
दिसेल च कुठेतरी तुझ्या श्वासाला.....
हृदयाची धडधड नि जीवाची आस आहेस तू .....
रखरखत्या उन्हात छायेचा ध्यास आहेस तू......
कवितेचा शेवट काय, सुरवातीला ही आहेस तू....
जशी सकाळी ही आणि सूर्याच्या मावळतीला ही आहेस तू.....
या धडधडत्या हृदयाची आस आहेस तू....
मंद मंद धावणारा श्वासातला श्वास आहेस तू....
समुद्राच्या लाटापरी उसळते हृदय....
किनाऱ्यावर येऊन मिळणारी वाट आहेस तू.....!
सुगंधपरी दरवळणारा आनंद आहेस तू.....
कधी न संपणारा छंद आहेस तू.....
गाण्याचे ते फक्त निमित्त...
ओठांवर गुणगुणणारे गीत आहेस तू......
