હું એટલે કે સમય સમો આ જીવ...
કહેવું જ છે મને કંઈ તો "સમય" કહે,
કોઇ માટે સરખો નથી,
કોઇ માટે થમતો નથી,
એક જગ્યાએ ટકતો નથી,
ગમું ક્યારેક તો ક્યારેક ગમતો નથી,
બસ...
નિજાનંદમાં મસ્ત રહું છું,
જે મળે એને એના જેવો દિસું છું,
સૌના સુખ-દુ:ખમાં સરખો ભળું છું,
સમય એવું વર્તન કરું છું,
સૌના અંતરમાં અત્તર થઇ મહેકું છું,
પ્રિતના તાંતણે બંધાયો છું,
છતાંય સર્વ બંધનોથી મુક્ત છું,
કાદવમાં રહીને ઉજળો છું,
પાણીમાં રહીનેય ક્યાં પલળું છું?
કમલ છું,કમલવત્ બનીને રહું છું....
