...#... તો શું થયું? તું તો શિવ છે ને ...#...
હું આરાધું સદા તને,તોય તું ના આવ,
તો શું થયું?, તું તો શિવ છે ને...
રહેતો તારી મસ્તીમાં મસ્ત,તોય તું છેટો,
તો શું થયું?, તું તો શિવ છે ને...
તુજ સ્મરણે સુતો-જાગતો,તોય તું દૂર ભાગતો,
તો શું થયું?, તું તો શિવ છે ને...
તારા વૈરાગે થયો વૈરાગી,તોય રહ્યો અભાગી,
તો શું થયું?, તું તો શિવ છે ને...
રોમ-રોમ તારા જશ ગાવે,તોય તું સમીપ ના આવે,
તો શું થયું?, તું તો શિવ છે ને...
છે તારી જીદ્દ ,તો મારીયે "અનોખીપ્રિત" જોઇ લે,
હું ય તારો જ અંશ છું, જો તું શિવ છે....
