Quotes by aNil Madhavan in Bitesapp read free

aNil Madhavan posted an update Malayalam Poem

5 day ago

കുറുമൊഴിമുല്ല എന്ന ഈ കൊച്ചു കവിത എന്റെ തറവാട്ടിലെ ഇന്നും ആർക്കും വേണ്ടിയല്ലാതെ പൂവിട്ടു നിൽക്കുന്ന കുറുമൊഴി മുല്ലയെപ്പറ്റിയാണ്.

കുറുമൊഴിമുല്ല

മുറ്റത്തെ നറുമുല്ല മുത്തശ്ശി വീണ്ടും
ചിങ്ങനിലാവുപോൽ പൂവിട്ടുനിൽക്കുന്നു.
പൂമണമേൽക്കുവാൻ ചാരെയിന്നാരുമില്ല,
പൂമൊട്ടു നുള്ളുവാൻ കരങ്ങളില്ല.
പോയൊരു കാലം തിരഞ്ഞൊരാ മുത്തശ്ശി
മടിയിലിരുന്നൊരു കുഞ്ഞിക്കിളിയോടായ്,
പഴയൊരു കഥയുടെ ചുരുളുകൾ നിവർത്തി
പതിഞ്ഞൊരു ശബ്ദത്തിൽ മൊഴിഞ്ഞുതുടങ്ങി:
“പണ്ട്, ഈ വീട്ടിലെ പെൺകൊടികൾക്കെല്ലാം
കൈക്കുടന്ന നിറയെ ഞാൻ പൂവുനൽകി.
നറുമണം പാരിൽ പകർന്ന്,
ഞാൻ അവരുടെ മുടിച്ചുരുളിൽ നിറഞ്ഞുനിന്നു.
ജീവജലമേകി, എന്നെയവർ
അവരിലൊരാളായ് ചേർത്തുനിർത്തി.
ഋതുക്കൾ പലതും വന്നുപോയി;
അമ്മയും അച്ഛനും മണ്ണിൽ മറഞ്ഞുപോയി.
ശേഷിച്ചിരുന്നവർ കടൽ കടന്നുപോയി;
ഇന്നീ തറവാടും തൊടിയും അനാഥമായ്...
യൗവനം മാഞ്ഞൊരു
മുല്ല ഞാനെങ്കിലും,
കാലവർഷത്തിൻ മൃദുസ്പർശമേറ്റ്
അഴകോടെ ഞാനിന്നും കാത്തുനിൽപ്പൂ...
അരികിൽ തുണയ്ക്കായ് ആരുമില്ലെങ്കിലും,
ഒരുനാൾ അവർ തിരികെയെത്തുമെന്നുറച്ച്,
നറുമലരുകൾ തൻ വസന്തവുമായി...

— അനിൽ മാധവൻ

aNil Madhavan posted an update Malayalam Blog

4 week ago

മധുരമൂറും പഴങ്ങൾ നുകരുന്ന അതിഥി

217 Views

aNil Madhavan posted an update Malayalam Quotes

4 week ago

102 Views

aNil Madhavan posted an update Malayalam Quotes

1 month ago

121 Views

aNil Madhavan posted an update Malayalam Poem

1 month ago

ശിവ
ധും.. ധും... ഡമരുവിൻ നാദം
എൻ ഹൃദയ താളമായി മാറിടുന്നു......
നിൻ ചടുല നടനം
ഈ പ്രപഞ്ച താളമായി തീർന്നീടുന്നു...
നിൻ തിരുമുടിയിലമർന്നിടും
ഗംഗ ഈ ഭൂമിതൻ
ജീവജലമായി ഒഴുകീടുന്നു..

നിൻ മാറിലണിയും
ആ ഭസ്മ ധൂളികൾ
ഈ പ്രപഞ്ച സത്യം വെളിവാക്കുന്നു...
ഈ പ്രപഞ്ചം വിഷമയം ആകാതിരിക്കുവാൻ
കൊടിയ വിഷം നീ കുടിച്ചുതീർത്തു..

വരണം, മഹാദേവനിനിയും
ഈ ഭൂമിയിൽ
ഇവിടെയുണ്ട് ഇനിയും
നവ വാസുകികൾ..
അവർ വമിച്ചീടുന്നൊരാ
കൊടുംവിഷം താങ്ങുവാൻ
ഇന്നീ ഭൂമിക്ക് കഴിയുകില്ലാ..

ഇവിടെയുണ്ട്... ഇവിടെയുണ്ട്..
ഇനിയും ത്രിപുരാസുരന്മാർ....
അവർക്കായി വിശ്വരെഥമേറി,
പിനാകയും മഹാശരവുമായി
വന്നീടുക...
വില്ലായി മേരുവിനെ വീണ്ടും
ആ തൃക്കൈകളിലേന്തീടുക...
അന്ധകാസുരന്മാർക്കായി
ഇനിയും തൃശൂലം
ആ മഹാബാഹുക്കളിലുയർത്തീടുക

വീണ്ടും വരും രാവണന്മാരിവിടെ,
കൈലാസം കൈയ്യിലിട്ട് അമ്മാനമാടുവാൻ...
നിൻ പെരുവിരലൊന്നങ്ങ് അമർത്തിയാൽ തീരുന്നതേയുള്ളൂ
ഈ അഹന്തയെല്ലാം...