Quotes by amita mehta in Bitesapp read free

amita mehta posted an update Gujarati Poem

#એનાં મુલાયમ સપનાંઓને
ઝુલાવી રહ્યો હતો
લાંબા કાળાં વાળમાં ગૂંથાયેલો ગજરો
એની કોમળ સંવેદનાઓને શણગારતી હતી
લાલચટ્ટક પાનેતરની ભાત
સહુને પોતાનાં કરવાની તમન્ના હતી
એની ધીમી ચાલ અને મંદ સ્મિતમાં
એનાં આંસુમાં છલકાતો હતો
મનનાં માણિગરને મેળવવાનો આનંદ
પણ
થોડાં જ દિવસમાં
એનાં સપનાં કેદ થઈ ગયા
કીચનની કચકચમાં
જવાબદારીની આગમાં

એની સંવેદનાઓહોમાઈ ગઈ
પરિવર્તિત
થઈ ગયાં હરખનાં આંસુ પીડાની પળોજણમાં

આક્ષેપ-પ્રતિ આક્ષેપ
એક તરફી અપેક્ષા
અપમાન અને અવગણનાંનો માર
ફરજ નીચે ઘૂ્ટાતી લાગણીઓ
સંબંધ તૂટવાનો ડર
ગુસ્સો’આક્રોશ- વેદનાની જ્વાળામાં
મૃત:પાય થતી લાગણીઓ
વિખરતાં સપનાંઓ
ઘૂંટન અકળામણ અને દર્દની ચરમસીમા
બની ગઈ એ જીવતી લાશ
માત્ર શ્વાસ ચાલતાં હતાં એનાં
પરંતુ એ શહીદ થઈ ગઈ
સપનાંનાં યુદ્ધમાં
સંવેદનાનાં મેદાનમાં
એને શહીદ બનાવી
સ્વજનો તરફથી છૂટતાં અનેકાનેક તીરે

amita mehta posted an update Gujarati Poem

3 year ago

#Azadi
રોમે રોમ પરતંત્રતાની આગમાં સળગી રહયું છે
ત્યારે આઝાદી ક્યાંથી મેળવું?કઈ રીતે મેળવું?
અનંત એષણાઓનો સાપ વીંટળાયેલો છે મને
પ્રેમનાં પિંજરમાં પુરાયેલી છું હું
લાગણીની લપ છોડતી નથી મને
રાતે ભીંસતા બે હાથની પકડ દિન-પ્રતિદિન મજબૂત બની રહી છે
કર્તવ્યની કેડી પરનાં કાંટાઓથી લોહીલુહાણ છું
પણ
સંસ્કારનું વજન મને ભાગવા નથી દેતું
મારે સારા થવું છે
સફળ થવું છે
મહાન થવું છે
મારા સૌંદર્યને શણગારવું છે
હું ને પંપાળવો છે
મને દઝાડનારને દઝાડવા છે
પીડા આપનારને લોહીનાં આંસુએ રડાવવા છે
કેટકેટલાનાં હિસાબ ચૂકતે કરવાનાં છે
અને પાગલ બનીને હસવું છે
નાચવું છે,ઉડવું છે,આઝાદીનાં ગીત ગાવા છે
પરંતું
રોજ રોજ નિત નવાં સ્વરુપે પ્રગટતાં રહે છે મારાં દુશ્મનો
એમનાં નિયમો, એમની જોહુકમી,એમની જાળમાં
તરફડું છું હું
મૃત્યુંની બાણશૈય્યા જ મને આઝાદી અપાવી શકે
પણ
મરવાની આઝાદી ય મારી પાસે છે ખરી?

મ