Quotes by Thakor Pushpaben Sorabji in Bitesapp read free

Thakor Pushpaben Sorabji

Thakor Pushpaben Sorabji

@thakorpushpabensorabji9973


Thakor Pushpaben Sorabji posted an update Gujarati Whatsapp-Status
21 hour ago

વિરહ ની વ્યથા વસમી રે લાગે
વ્યથામાં સઘળું વેરાન રે લાગે!
વિચારોના વંટોળ ઊઠે રે હૈયે
હોઠે રાખુ સ્મિત ને
ધૂંટાતા હૈયે આંસુ રે આવે!
જય શ્રી કૃષ્ણ " પુષ્પ"
- Thakor Pushpaben Sorabji

Read More
Post by Thakor Pushpaben Sorabji on 28-Mar-2025 10:10pm
Thakor Pushpaben Sorabji posted an update Gujarati Poem
3 day ago

મને ગમે
રોજ સવારે ઊગતો ને આથમતો સૂરજ
ખીલતી ઉષા ને ઢળતી સંધ્યાના રંગો
મને ગમે...................
વાડે,ઝાડે ને વગડેથી સંભળાતા પંખીના સૂર
માળેથી સંભળાતા બચ્ચાના ઝીણા મીઠા સૂર
મને ગમે..................
ખિલખિલાટ હસતા ને રમતા
નટખટ નખરાળા નાનેરા બાળ!
મને બહુ ગમે...........
નાનેરા બાળકોની કાલી ઘેલી ભાષા
બોલે તે મીઠડુ ને,તેમાં મલકાતો જાણે કાન
મને બહુ ગમે............
નાની કળીઓ ને ખીલતા સુંદર ફૂલ
પ્રસરાવતો પુષ્પોની ફોરમ એ મધૂર વાયુ
મને બહુ ગમે...........
ભારતમાં બોલાતી રાષ્ટ્રભાષા હિન્દી
ને ગરવી ગુજરાતની ગુજરાતી બોલી!
મને બહુ ગમે.............
રણની ઠંડી રેત ને દરિયાના ઊછળતા મોજા
નદીઓના નીરા ને ખળખળતા ઝરણાંના સૂર
મને ગમે...................
ઉતરે હિમાલય ને દક્ષિણે ઘૂઘવતો દરિયો
પૂર્વે ગાઢ જંગલોને પશ્ચિમે સાવજની ગર્જના
મને ગમે...................
જય શ્રી કૃષ્ણ:" પુષ્પ"

Read More
Post by Thakor Pushpaben Sorabji on 26-Mar-2025 02:58pm
Thakor Pushpaben Sorabji posted an update Gujarati Poem
7 day ago

ધરતી પર સ્વર્ગ
ધરતી પર ઉંચે પહાડોની ઉપર
પહાડો પર છાયેલ સફેદ બરફ.....
જાણે ધરતી પર આવ્યુ છે સ્વર્ગ..
પીગળતો બરફ ને વહેતા સુંદર ઝરણા
ઝરણેથી ઉડતી કેવી ફુવારાની છાંટ..
જાણે ધરતી પર આવ્યુ છે સ્વર્ગ...
વહેતા ઝરણાથી વહેતી થઈ નદી
ખળખળ વહેતીને,અડતા થીજવતી...
જાણે ધરતી પર આવ્યું સુંદર સ્વર્ગ....
નદીથી ભરાતુ પેલું સુંદર સરોવર
સરોવરે સરતી કેવી સુંદર શિકારા...
જાણે ધરતી પર નાનેરું સુંદર સ્વર્ગ....
ઊંચેરા ઝાડ ને ઘાસના સુંદર મેદાન
ઉષા,સંધ્યાના કેવા આબેહૂબ રંગો..
જાણે ધરતી પર સ્વર્ગના અનોખા રંગો..
આકાશે દેખાતા તારાના જુમખા ને
ધરતી પર દેખાતુ કેવું ભુરુ તળાવ....
જાણે ધરતી પર આવ્યુ સુંદર સ્વર્ગ...
આકાશે થી આવી તારા,જાણે
તળાવે પાડતા અનોખી ભાત....
જાણે આવ્યા તારા ધરતીને સ્વર્ગ....
દિવસે સુરજ શોભા વધારતો ને
રાત્રે ચંદ્ર ચાંદની ફેલાવતો..............
વાહ! કેવું નયનરમ્ય!,મનભાવન!,
અદભુત! ને આહલાદક!
જાણે ધરતી પર આવ્યું સ્વર્ગ..........
કુદરતની શોભા અતિ નિરાળી,
લાવ્યું એ જાણે સ્વર્ગને અહીં તાણી!...
જાણે ધરતી પર કુદરતનું અનોખું સ્વર્ગ.
જય શ્રી કૃષ્ણ:" પુષ્પ"

Read More
Post by Thakor Pushpaben Sorabji on 22-Mar-2025 10:32pm
Thakor Pushpaben Sorabji posted an update Gujarati Whatsapp-Status
1 week ago

યાદ કરતી કાન તુજને
વાત કરતી હું તુજને,
જોઈ રામ નામની સંસ્થા ને
લાગ્યું તું આવ્યો કાન સામે!
જય શ્રી કૃષ્ણ " પુષ્પ"



- Thakor Pushpaben Sorabji

Read More
Post by Thakor Pushpaben Sorabji on 20-Mar-2025 03:59pm
Thakor Pushpaben Sorabji posted an update Gujarati Poem
1 week ago

આવી ચકલીઓ
આવી ગઈ સૌના આંગણે ચકલીઓ,
આવીને જુના માળા તપાસતી ચકલીઓ!..
ખાલી કરે જુના માળા એ જાતે,
લાવે તણખલાં ને નવા માળા બનાવે!...
તારની તણીએ સૂકાતા કપડામાં ઝાંખે,
માળો બાંધવાને એ તણખલા લાવે!...
હાઉ જો હું ઘરમાં તો પાછળ એ આવે,
આવીને ઘરમાં મીઠા સૂરે એ ગાવે!.....
આંગણામાં આવીને બોલતી ચકલીઓ,
શિકારી પક્ષીને જોઇ, કેવો સોર મચાવ!....
નાચતી,કૂદતી મને ગમતી ચકલીઓ,
આવે નજીક ને જાણે વાત કરતી લાગે ચકલીઓ!.
જય શ્રી કૃષ્ણ " પુષ્પ"

Read More
Post by Thakor Pushpaben Sorabji on 20-Mar-2025 02:47pm
Thakor Pushpaben Sorabji posted an update Gujarati Poem
2 week ago

સુંદર સવાર
સૂર્યોદય પહેલા,વહેલા જાગીને,
કલરવ કરી કરે, પ્રભુના ગુણગાન!
આવી સુરજદાદા ને
તે જ અનોખા પાથરે!
ઉડાન ભરી ઊંચા ગગને,
ને આનંદ અનેરો માણે!
કામે લાગે સૌ પોતપોતાના,
ને જિંદગીને કેવી એ તો માણે!
આવે આંગણે પંખી ચણ ચણવા,
ને મીઠા સૂર રેલાવે!
દરજીડો ને ફૂલસૂંઘણી પાછળ આવી,
મધુર ઝીણો સૂર સંભળાવે!
રોટલી ખાતી ખિસકોલી પાસેથી,
જોઈને બુલબુલ લેવા આવે,
એકબીજાની પાછળ દોડે ને,
કરે એ પકડમ પકડી!
આવે જો બુલબુલ લઈ ને,
રોટલી કેરો ટુકડો!
લાગ જોઈને ચકલી લઈ લે,
એનો ટુકડો!
વાયર પર બેસી હીંચકા ખાતું કબુતર,
આ બધું જોઈ હસતું હસતું નિહાળે!
સવારના આ મધુર સૂરોની વચ્ચે,
રોયુ નાનેરું બાળ ને
સાથે સૂર પુરાવે!
પાકા પાને ઊભો લીમડો,
ખરતા જોઈ પાન ને,
દુઃ ખ એ લગાવે!
ખિલતી કૂંપળો ને કળીઓ ને જોઈ,
કેવી હૈયે હામ એ પુરાવે!
સૂર્યોદય પહેલા...............
જય શ્રી કૃષ્ણ: "પુષ્પ"

Read More
Post by Thakor Pushpaben Sorabji on 17-Mar-2025 11:07pm
Thakor Pushpaben Sorabji posted an update Gujarati Whatsapp-Status
2 week ago

મીઠી મુસ્કાને મલકાતો બાળ
ખીલતા ફુલડે જાણે મહેકે સુવાસ!
નાનેરા પગલેથી પાડે તું પગલી,
છનકે ઝાંઝરને થનકે રે મન!
જય શ્રી કૃષ્ણ "પુષ્પ"
- Thakor Pushpaben Sorabji

Read More
Post by Thakor Pushpaben Sorabji on 16-Mar-2025 08:07am
Thakor Pushpaben Sorabji posted an update Gujarati Whatsapp-Status
2 week ago

ઊંચી ઈમારતે દેખાતો ચંદ્ર,
ઇમારતે ઊંચે થતી,ઊંચી તે લાઈટ,
આવ્યા જાણે,તારા આકાશેથી
ટાંક્યા જાણે ઊંચી ઇમારતે!


- Thakor Pushpaben Sorabji

Read More
Post by Thakor Pushpaben Sorabji on 15-Mar-2025 08:37pm
Thakor Pushpaben Sorabji posted an update Gujarati Poem
2 week ago

સંધ્યા
શહેરની સંધ્યા પણ લાગે સોહામણી,
ઊંચી ઇમારતો પરથી,
નિહાળી સંધ્યા મેં તુજને!
શહેરની સંધ્યા.......
આથમણે રૂડો કેસરિયો પ્રકાશ પથરાયો,
છાઈ રહ્યો ધીરે ધીરે અંધકાર ને,
થઈ રહ્યો વીજળીનો પ્રકાશ!
શહેરની સંધ્યા...........
બહુમાળી ઇમારતો પર લગાવેલી ટીવીની ડીસ
ઊંચેથી લાગતી કેવી,
આકાશ ને આંબતી એ ડીસ!
શહેરની સંધ્યા........
શહેરમાં પણ દેખાય જોવો ધબકતુ ગામડું,
ઘેટા, બકરાને ગાયોના વાડા,
દોવે દૂધણાને સંગ ધાવે રે વાછડા!
શહેરની સંધ્યા..........
ઢળતી સંધ્યાએ થાતી વાહનોની લાંબી કતાર,
સાંજે ભરાતી વિવિધ બજાર,
માનવ મહેરામણ ના કેવા મેળા ભરાય!
શહેરની સંધ્યા........
ઊંચી ઇમારતો વચ્ચે સંભળાયા મીઠા રે સૂર,
ભજન રામ,કૃષ્ણના ને,
વડીલોના સત્સંગના સૂર
શહેરની સંધ્યા..........
જય શ્રી કૃષ્ણ 🙏

Read More
Post by Thakor Pushpaben Sorabji on 14-Mar-2025 11:36pm
Thakor Pushpaben Sorabji posted an update Gujarati Poem
2 week ago

સંધ્યા
ઢળતી સંધ્યાએ અમે નીકળ્યા ફરવા ને,
ઢળતો સુરજ કેવો જોઈ ગયો અમને!
આવ્યો પાછળ ને તેને,ધર્યો કસુંબલ રંગ.....
તળાવે,ખેતરે ને વગડે બધે તું દીઠતો
જોવું તને હું પાછળ તું આવતો રે દીઠતો ...
ખેતરે કામ કરી,વિસામો લેતા સ્વજનો,
મહેનતની મીઠી મહેક, મહેકાવતા લોકો...
મંદિરે- મંદિરે રૂડા આરતીના સંભળાતા સૂર
રસ્તે પેલા લીલા-પીળા પાંદડાને,પંખીના સુર..
ખેતરે તે સળગતા ચુલાના થાતા ધોળા તે પટ
મોરલા ના ટહુકાને,ધૂળના ઉડતા રે કણ!
શહેરે તે સાંજે ,રેલાતા રોશનીના તેજ,
ગામડે તે સાંજે,ધૂળની ઉડતી રે રજ!....
ઢળતી સંધ્યાએ વ્યાપી રહી અનેરી શાંતિ
દીવાની હું ઉષા ને સંધ્યા રે તારી
નિહાળુ હું તમને વારી રે વારી!.....
ઢળતી......….
જય શ્રી કૃષ્ણ:પુષ્પા એસ ઠાકોર

Read More
Post by Thakor Pushpaben Sorabji on 12-Mar-2025 10:53pm

    Download Our App :

Copyright © 2025,  Matrubharti Technologies Pvt. Ltd.   All Rights Reserved.

Copyright © 2025,  Matrubharti Technologies Pvt. Ltd.   All Rights Reserved.