The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
આ રાજનગરની રમણી. ચંચળ શાણી સમજુ ચતુરા, નાજુક ને વળી નમણી આ રાજનગરની રમણી. સરખી ચાર મળે સહેલી મારગમાં વાતોની હેલી. ટ્રાફિકવાળાને મુશ્કેલી પણ જરા ન એ કોઈ ખસેલી ઘડીક ચાલે ડાબે ને ઘડીક જતી જમણી વાતો ચાલે માટેમોટેથી આસપાસ અવગણી આ રાજનગર ની રમણી. જંપે એની ન જીભ જરાકે દુકાનનો વેપારી થાકે સાંજે સ્વામી તણું શીશ પાકે પણ વાતો એની ન થાકે. પણ રંગોળી પ્રીત તણી એ પૂરી જાણે પદમણી આ રાજનગરની રમણી. બુદ્ધિમતિ ને સાહિત્ય રસિકા. વાંચવામાં વહાલી નવલિકા કરી જાણે તમતમતી ટીકા સમજે બધું પૂરી રસિકા કલાકૃતિનું કરી કચુંબર ખાંતે નાખે ખમણી આ રાજનગરની રમણી. પુરુષ સંગ સ્પર્ધા કરનારી એ તો છે નવયુગની નારી દલીલોમાં પૂરી તૈયારી વાર્યે થાયે બમણી આ રાજનગરની રમણી. સાડી પહેરી સરસ સજાવટ અલંકાર સજવાની ફાવટ પ્રગતિમાં ન રાખે રૂકાવટ સ્વામી કમાય તેમાં સમાણી આ રાજનગરની રમણી. મુરબ્બો પાપડ વડી અથાણાં વર્ણન વાનગીઓનાં મઝાનાં પ્રગટ કરે અખબારી પાનાં ભરત ભર્યા પાલવ શી વરણી આ રાજનગરની રમણી. અગાશીએ રેલાય ચંદા કોમળ કંઠ સ્વરે મૃદુ જો મંદા અલકમલકની વાતો કરતી પતિની શ્રમહરણી આ રાજનગરની રમણી. જોતાં દિલમાં જગાડે દંગલ અજવાળે જીવનનાં જંગલ જંગલમાં પ્રગટાવે મંગલ વિપત્તિમાં કરે માર્ગ ઝટ જેમ જળમાં તરતી તરણી આ રાજનગરની રમણી. છો રીજે કે ખીજે પણ એ સ્નેહ નીતરતી નિર્ઝરણી આ રાજનગરની રમણી. - નાથાલાલ દવે. કાવ્ય સંગ્રહ “ઉપદ્રવ" માંથી. સંકલન સુનીલ અંજારીયા
સોડ તાણીને સુઇ રહેવા દો શું કરવું છે વહેલા ઉઠી? “જાગો, જાગો, કામ પતાવો” શીદ કરો બૂમરાણ એ જૂઠી. ડુંગર ધારે નીકળ્યો સૂરજ પાંદડે પાંદડે ચોળશે પીઠી એટલા ખાતર શીદને ખોવી પાછલા પહોરની નીંદર મીઠી. જાગનારાનું નશીબ જાગે વડીલોએ એવી વાતો હાંકી પ્રભાતનો ઉજાસ આવે તો રજાઈ લેવી મુખ પર ઢાંકી. વનમાં પેલાં પંખી બોલે પંખીમાં તે કેટલી અક્કલ માણસ જેવા માણસ થઈને આપણે એની શું કરવી નકલ? રંગબેરંગી ફૂલડાં ખીલ્યાં બાગની શોભા જોવા જેવી, ફૂલડાં નથી નાસી જવાનાં જોવા કાજ ઉતાવળ કેવી? આળસ છોડો, ઉદ્યમ કરો સંભળાવો શીખ હોય કંઇ બાકી થાક્યા નહીં ઉપદેશ દેનારા સાંભળી સાંભળી દુનિયા થાકી. કોણ રસોડામાં ગેસ પ્રગટાવે? ખખડાવે છે કોઈ રકાબી? ચાલો ત્યારે અત્યારે મારે છોડવી પડશે નીંદ ગુલાબી. નાથાલાલ દવે. સંકલન: સુનીલ અંજારીયા
હો નવ વર્ષ મંગલમય .................................................... રહે ઉર ઉરમાં હર્ષોલ્લાસ, હો નવ વર્ષ મંગલમય બને મધુર બારે માસ, હો નવ વર્ષ મંગલમય સહુના મનમાં ખીલે કરુણાની કળી, હૃદયે વહે સુખની અનુભૂતિ વળી કોઈના મનમાં જલાવો આશા કેરો દીપ સજાવો ઉજ્જડ બાગ ઉદાસનો કરી તેને પ્રીત પરાયાંને જો પોતાપણા નો આભાસ થાય તો નક્કી નવું વર્ષ મંગલમય ગણાય નવો કોઈ સંદેશ લખો વિષય હોય ભલે નૂતન હજારો આભાર માનશું જો એ સ્પર્શે સહુને મન દૂર રહી છળ કપટથી આખું વર્ષ રહીએ નીતિમય કરો અભ્યાસ એનો બને નવ વર્ષ મંગલમય કે આંખોના આંસુઓનો થાય નહીં સંતાપ ભલાઈ ભલે ના થાય, થશે ના કોઈ પાપ રહે માનવતાનો આભાસ તમ સાથે પ્રતિપળ સ્વાસ્થ્ય સમૃદ્ધિ ભર્યું થાઓ નવ વર્ષ મંગલમય . 1.1.2026
"રિવરફ્રન્ટ માં તો કશું નવું નથી, શું મુકશો?" મને ફોટાઓ લેતો જોઈ શ્રીમતીએ કહ્યું. કાંઈક નવું લાગ્યું એ જરૂર મૂકવું છે. એક તો, રિવરફ્રન્ટ સહુનો માનીતો થઈ ગયો એ કેટલા વર્ષ, કોઈ જ ખાસ મેન્ટેનન્સ વગર જૂનો થયો? ઓહ, 22 થી 23 વર્ષ. નરેન્દ્રભાઈ મોદી ગુજરાતના મુખ્યમંત્રી હતા ત્યારે થયેલો. લગભગ તો હું અને બધાં એક સાંજ પસાર કરવા જઈએ છીએ પણ અમે રાત્રે 9 પછી જ ગયાં. અરે માનવ મહેરામણ એટલે? અમે આખો રિવરફ્રન્ટ ત્રણ ટુકડે ગયાં. દર્પણ પાછળ દધીચિ બ્રિજ, નટરાજ સામે અને એટલબ્રીજ બહારથી થઈ સરદારબ્રિજ પાસે. ત્યાં સરદારબ્રિજ પાસે તો પાર્કિંગ માં પણ અફડાતફડી. આપણે સરખી કાર પાર્ક કરવા જગ્યામાં જઈ આગળ લઈ ઊંધી લઈએ ત્યાં બીજો "ઠાઠું " ઘુસાડી દે! ત્યાં પેઇડ ઇલેક્ટ્રિક સ્કૂટરો 15 મિનિટના 90 રૂ. માં મળતાં હતાં એ લેવા ભીડ હતી. ત્યાંથી નહેરુબ્રિજ સતત એ ઇલેક્ટ્રિક સ્કૂટરો અને ભાડે સાઇકલો ફેરવતાં 14 થી 40 વર્ષના કેટલાંયે લોકો હતાં. રિવરફ્રન્ટ ની પાળીએ બેસીને સાબરમતીની લહેરોનાં હળવાં મોજાં જોવાની મઝા પડી. ઉપરથી દર થોડી સેકન્ડે એકદમ નીચેથી જતાં પ્લેન. સરદાર બ્રિજ પાસે જે ખાણીપીણી બજાર બનેલી ને હું 2023 માં ગયેલ એ આખી બંધ થઈ ગઈ. સામે આંખ આંજી દે તેવી ચકાચોંધ રોશની અને પસાર થાય તો કદાચ અંદર બેઠેલાને કાનમાં વાગતું હશે એવાં પ્રચંડ મ્યુઝિક સાથે ક્રૂઝ પસાર થઈ. દુબઈમાં ડિનર વગર સાંજે 5 થી 7 લીધેલી એવી ટ્રીપ અહીં હોય તો લેવી છે. નટરાણી પાછળ તો જે ઝૂંપડાં હતાં ત્યાં બે માળના રો હાઉસો એ લોકોએ જ બાંધી લીધાં છે. કદાચ મફતિયા પરા ફેસિંગ રિવર! ત્યાં દધીચિ બ્રિજ પાસે જ પાળી પર એક જોરગરમ વાળો એનો માલ ઓશિકું બનાવી ત્યાં જ સૂઈ ગયેલો. આખો રિવરફ્રન્ટ શોપિંગ ફેસ્ટિવલ ને કારણે લાઈટોથી શણગાર્યો છે. એક વહેલી રાત, 9 થી 11 ત્યાં પસાર કરી. વળતાં એ જ સિંધુભવન ની જાગતી રાત, અર્બન ચોક પાસે ટ્રાફિક જામ. લોકો રાતે 12 વાગે ખાવા નીકળે છે? આ અમદાવાદ ક્યારેય સૂતું નથી. શનિવારની રાતે તો નહીં જ.
ગઈકાલે બીજાઓથી મોડું પણ ઓચિંતું લાલો ફિલ્મ જોઈ. સાચે જ સરસ સ્ટોરી. પરેશ રાવળ ની OMG જોઈ હોય તો એમાં એક રીતે, અહીં બીજી રીતે, કૃષ્ણ સહાય કરે છે. યુદ્ધ તો આપણે જ લડવાનું. એ રસ્તો ચોક્કસ બતાવશે. જ્યાં આપણે અટકીએ ત્યાં. દૂબળો પાતળો, jhantiya વધી ગયેલો રિક્ષાવાળો આબેહૂબ ઉપસાવ્યો છે. એને દીકરીના ઓપરેશન વખતે પૈસાની જરૂર પડતાં મજબૂરીથી ખોટી સોબત, વ્યાજે પૈસા, દારૂ અને કોઈને શંકાસ્પદ રીતે પૈસા ભરેલી બેગ લઈ અવાવરુ બંગલામાં ઘૂસતો જોઈ પીછો કરે છે અને પેલો તો જતો રહે, પોતે ફસાઈ જાય છે. બહાર નીકળવાની જાળીમાં ઇલેક્ટ્રિક કરંટ પસાર થાય છે એનો જોરદાર શોક પણ લાગે છે. એ બધા પ્રયત્નો કરે પણ કશું વળે નહીં. વરસાદનું ટપકતું પાણી પી તરસ છિપાવે. બૂમો પાડે, વાંસ સળગાવી ધ્યાન ખેંચે પણ રડ્યો ખડ્યો કોઈ આવે એનું ધ્યાન જતું નથી. આમ પૂરા 24 દિવસ પસાર કરે છે પણ જીવી જાય છે. કદાચ એ જ સ્થિતિમાં હેલ્યુસિનેશન થતાં પોતાની સામે કૃષ્ણને જુએ છે. કૃષ્ણ અને અન્ય દેવોની ધાતુની કિંમતી મૂર્તિઓ ચોરાઈને ત્યાં સંઘરેલી છે.. પત્ની પોલીસ ફરિયાદ કરે છે પણ દારૂડિયો છે, ક્યાંક મરી ગયો હશે કહી ધ્યાન આપતા નથી. આખરે કૃષ્ણ જ રસ્તો બતાવે છે, થાકીને સતત ભીંત સાવ નાના સળિયાથી ખોદી એ બહાર નીકળે, ત્યાં બેભાન થઈ જાય અને ગોતતી પોલીસ આવી પહોંચે ત્યાં પેલો મૂર્તિચોર બંગલામાં જતો પકડાઈ જાય છે. આને લાલચમાં મળેલી પૈસાની બેગ ત્યાં જ પડી રહે છે. મને તો ગમ્યું. ઘરના લોકોને સ્ટોરીમાં સવાલ ઉઠ્યા. વર 15 દિવસથી લાપત્તા હોય તો વહુ શણગારીને ગરબામાં ફરે? ઘરમાં ખાલી બસો રૂપિયા હોય ત્યારે પત્ની કેમ કામ કરવા ન ગઈ ને પછી ગઈ? પોલીસને લાલા ના ફિંગર પ્રિન્ટ મૂર્તિઓ કે બેગ પર કેમ ન મળ્યાં? ઘરનાઓએ સવાલ ઉઠાવ્યા પણ ફિલ્મ છે. કેટલુંક ચાલે. ભજનો થોડાં વધુ છે અને ફિલ્મ જુનાગઢ દર્શન ઉપરાંત કૃષ્ણ સંબંધી યાત્રાસ્થળો ના દર્શન વધુ કરાવે છે એમ પણ લોકો કહેતા હતા. મેં તો તર્કશક્તિ બહાર મૂકી ફિલ્મ માણી. એકાંત બંગલામાં જીવન મરણ સામે ચોવીસ દિવસ ઝઝૂમતા રિક્ષાવાળા યુવાન ની અને એની ઈશ્વર પર શ્રદ્ધાની વાત છે. લાલો સદા સહાયતે. "હાક પાડ, હાજર છું " મારી જ એક કવિતાની પંક્તિ. એ જ સંદેશ અહીં. ગુજરાતી ફિલ્મ તરીકે એક મારી દ્રષ્ટિએ ખૂબ સારી ફિલ્મ.
આજકાલ પૉશ ટાવરોમાં રહેતાં યુગલો મોટે ભાગે હાથમાં હાથ પકડીને કે સ્ત્રી પુરુષનું બાવડું પકડીને જ જતી દેખાય છે. અમને તો કઈંક આશ્ચર્ય થાય. છુપી ઈર્ષ્યા હશે કે અમે આમ ન જીવ્યાં? એક અંગત વાત શેર કરું? હું મારી પત્નીનો હાથ પકડી ચાલું તો એ જ કહે કે "આ તો પોલીસ ધરપકડ કરી જતો હોય એવું ફીલ થાય છે." આમ જાહેરમાં સતત ફરવું જોઈએ કે નહીં? નયા જમાના હૈ ભાઈ! જો કે ઊંચી ફૂટપાથ ઉતરાવી હોય કે હાથમાં મોટો થેલો હોય કે ઉબડખાબડ રસ્તો હોય તો 'મારી એ' કહે જ છે કે 'હાથ મેરા થામ લો. ' સંસ્કૃતિની વાત છે. 1983 માં દ્વારકા કે સાવરકુંડલા માં સાથે નીકળીએ તો "બે માણા નીકળ્યાં" કહેતા લોકો. ત્યાં તે વખતે સ્ત્રી પાછળ, પુરુષ આગળ ચાલે એમ હતું. અમે અમદાવાદના એટલે સાથે ફરવું ગમે. 40 વર્ષ પછી મને આ નવું લાગે, એ યુગલો માટે સામાન્ય હશે! તમે જોજો, વિના અપવાદે આમ જ ચાલતાં હશે. આ તો પેલીને ખ્યાલ આવ્યો હશે કે કોઈ ફોટો લેશે કે ગમે એમ, એ થોડી દૂર થઈ ગઈ. બાકીતો મનમાં કહ્યું કે ઘૂંસી જા એના પડખામાં. વિષ્ણુની પાંસળીમાંથી લક્ષ્મી પ્રગટેલ એમ
ગંગા આરતી રામઝુલા, ઋષિકેશ
પ્રારંભ સિનિયર સિટીઝન હોમ્સ ખાતે. બિલકુલ શુદ્ધ હવા, પ્રદૂષણમુક્ત. ક્લબ હાઉસમાં જૂની ફિલ્મો, બિલિયર્ડ કે ટેબલટેનિસ જેવી ગેમ્સ, તહેવારોની સામુહિક ઉજવણી જેવી કે નવરાત્રી ગરબા, દિવાળી આરતી, ગણેશ ચતુર્થી જેવા. 70 ઉપરના બધા વયસ્કો પણ જે નાચે કે ગરબા કરે છે! આજે જ કોઈ fb પોસ્ટ સિનિયર હોમ્સ વિશે વાંચી. આ બધામાં ઘણા NRI છે. બીજાનાં બાળકો વિદેશમાં દૂર રહે છે. બહારનો દેખાવ તો ખૂબ સરસ. દરેક નાની એવી વિલાની બહાર આઠ દસ પ્લાન્ટ રહે એવી જગ્યા. એની તકલીફો પણ છે. શાક વગેરે 7 કિમી બાવળા જઈ લેવું પડે. 150 વિલા વચ્ચે એક શાકવાળો અઠવાડિયે બે કે ત્રણ દિવસ આવે ત્યારે વયસ્ક સન્નારીઓ નું પણ હુલ્લડ મચી જાય. દૂધ, છાપું ગેટ પર ડિલિવર થાય પછી એમના માણસ કાર્ટ માં ઘેર સવારે આપી જાય પણ જો દૂધ બગડ્યું, કોઈ મહેમાન આવ્યું વ. તો ટીપું દૂધ ન મળે બીજી સવાર સુધી. કરિયાણું અને દવા એક બાવળાનો વેપારી પહોંચાડે છે પણ અમુક ઓર્ડર ભેગા થાય ત્યારે. મકાનો માં એક નાનો રૂમ, એક પેસેજ જેવું કિચન, બેડરૂમ અને બહાર નાનો પેસેજ, ઓટલો. આર્કિટેક્ટ પુત્રે ધ્યાન ખેંચ્યું કે ક્યાંય ક્રોસ વેન્ટિલેશન નથી અને ઉપર સ્લેબમાં પંચર રાખવું જોઈએ (એટલે બારીક છિદ્રો) જેથી ગરમ હવા ઉપરથી નીકળી જાય. એની ગેરહાજરીમાં રૂમ બપોરે ભઠ્ઠી જેવો તપે. બાવળાથી આવવાના રસ્તે પાણી ભરાઈ જાય એટલે કટ ઓફ. મેં અગાઉ ઘણી વાર કહ્યું છે એમ આ વ્યવસાય આરક્ષણની ચોથી પેઢીની દેન છે. એકાદ માર્ક માટે સંતાનો ઓસ્ટ્રેલિયા કેનેડા કે ન્યૂઝીલેન્ડ ભણવા જાય પછી ત્યાં જ સેટ થવાની આર્થિક મજબૂરી અને મા બાપ ની ઉંમર થાય એટલે ચિંતિત સંતાનો જ્યાં એમની સંભાળ લેવાય, કહેવાતી મેડિકલ કેર હોય ત્યાં મૂકે. એકલાં અટુલા વયસ્ક મા બાપ સંતાનોનું ભલું ઇચ્છી અહીં એમની જેવી સ્થિતિ વાળાં એની મા બાપો સાથે આનંદમાં રહે. બેય તરફ જે થોડું કે ઘણું સહન કરી જતું કરવું પડે એ મા બાપ સંતાનોને કે સંતાનો મા બાપ ને કહે નહીં. તો જુઓ ત્યાંના ફોટાઓ. મારે તો મારું ઘર જ મારું સ્વર્ગ. નન્હી સી દુનિયા નન્હે ખ્વાબ. સંતોષી જીવો.
#Monkeyબાત સમુદ્ર મંથન વખતે કઢી અને સંભારો પણ નીકળ્યા હતા - લાલચોળ સંભારો દાનવો ઝુંટવીને લઇ ગયા અને મધુરી કઢી દેવોના ભાગે આવી. દેવોને અમૃત મળતા દાનવો પણ અમૃતની શોધમાં નીકળ્યા #હળવાશથી_લેવું #ગાંઠિયાપટ્ટી હકીકતમાં તો સમુદ્રમંથન વખતે ચા અને ગાંઠિયા નિકળા હતા ગાંઠિયા દાનવોને મળ્યા પણ હાથીદાંત ધરાવનાર દાનવોને ઢીલા લાગ્યા એટલે નળિયા જેવા બનાવીને આરોગે છે જ્યારે ચા દેવોને મળી એટલે બિચારા દાનવો ચા જેવુ પાણીથી ભરપૂર પ્રવાહી 4 ચમચી જેટલું 15 રૂપિયામાં વેંચીને સમૃધ્ધ બની રહ્યા છે. સાચી વાત તો એ છે કે રાહુ અને કેતુ કઢી અને નળિયાના સેવન બાદ જ સુમધુર વણેલા ગાંઠિયા, સંભારો, ચટણી, મરચા માટે દેવો ભેગા બેઠા હતા ને પકડાઈ ગયા. નારદમુનિએ પીળુ પ્રવાહી દૂરથી બતાવી કહ્યું કે કદાચ આ અમૃત જેવુ છે, ત્યારથી 'કઢી'ને અમૃત સમજી જાપટી રહ્યા છે પછી નળિયા નીકળ્યા તે એને રાખવાની તો મહાદેવે ય ના પાડી . તેઓ કહે વિષ તો બરોબર છે બાકી આને આય થી લઇ જાવ...., (શ્રી. બધિર અમદાવાદી ની પોસ્ટ સાભાર. એમની હ્યુમરસ પોસ્ટ સરસ હોય છે.) શ્રી. બધિર અમદાવાદી ની ફેસબુક પોસ્ટ સાભાર.
દશેરા પર RSS ના 100 વર્ષ પૂર્ણ થતાં બોપલ ખાતે ઉજવણીમાં આમંત્રિત તરીકે ગયો હતો. લાઠીદાવ , ઘોષ ગાન જેમાં શંખ પણ દૂર સુધી સંભળાય એમ તેઓએ ફૂંક્યો, મોટાં ડ્રમ સાથે ચોક્કસ ધૂન સાથે કૂચ, અમુક યોગાસનો, શાખાઓમાં થતી કસરતો, શસ્ત્ર પૂજન અને ડેમો, બાલિકા , કુમારિકા પૂજન ના કાર્યક્રમો નિહાળ્યા. અમદાવાદ પોલીસ અને RSS ના સહયોગથી ફર્સ્ટ લાઇન ઓફ ડિફેન્સ ની શિબિર કરે ત્યારે શીખવા નામ લખાવ્યું. પ્રવચન થયું એમાં સ્પષ્ટ કહેવાસ્યુકે આપણે આપણું સ્વરક્ષણ કરતાં શીખવું અને તે માટે સજ્જ થવું જ પડશે. કુદરતી આપત્તિઓ અને દુર્ઘટનાઓ વખતે તેમની કામગીરી વિશે કહ્યું. જુઓ વિડિઓ અને ફોટાઓ.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
