The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
ઓચિંતી એન્ટિક બનેલી વસ્તુઓ! હવે upi આજે હમણાં જ જોયું કે 10 વર્ષમાં 13હજાર ગણા વધી 24000 કરોડના વ્યવહાર થયા. એટલે હવે હું કે ખાસ કોઈ પાકીટ રાખતું નથી. પાકીટ એટલે લેધર, શાઈનિંગ, ચાર પાંચ ખાનામાં ક્રેડિટ કાર્ડ્સ, પાંચસો સો ની નોટો ની ગડી, તમારાવાળીનો ને ઇષ્ટદેવ નો ફોટો બધું હવે જરૂરી નથી! ફોટા મોબાઇલ ગેલેરી માં handy, ક્રેડિટ કાર્ડ સ્વાઈપ ને બદલે upi , નોટો તો બહુ ઓછી વપરાય છે. શાકવાળા ને મોચી પાસે પણ QR કોડ સ્કેનનું હોય છે. મારા હેરડ્રેસર (મને તો વાળંદ શબ્દ જ યાદ આવે) એ એક વાર કહ્યું કે જુના અંકલ લોગ ખિસ્સામાં કાંસકી રાખતા. મેં કાઢીને બતાવી. પછી એ પણ બહાર લઈ જવાની નહીં. ' મેરા જીવન હી મેરા સંદેશ હૈ ' ની જેમ મેરા મોબાઇલ હી મેરી ઘડી હૈ. કોઈને ઘડિયાળ કોસ્ટલી છે એ બતાવવા બાંય ચડાવવી પડે. એવું શું કામ? મોબાઇલ કાઢ્યો ને ટાઇમ જોયો. પેન પણ કોઈ ચેક સહી કરવા જે ખૂબ ઓછું બને છે, ઉપયોગમાં આવે છે. લખવાનું આખી ને આખી સાત નોવેલ, કેટલીયે વાર્તાઓ બધું મોબાઈલમાં ટાઇપ કરીને. કાગળમાં લખવાનું બહુ ઓછું. હા કોઈ ફોલિયો કે કોઈ ટૂંકા પાસવર્ડ, કોઈનો કામચલાઉ જરૂરી નંબર જેવું છાપાં પર લખીએ. પણ છાપાં પણ કેટલો વખત? અમુક યુવા વર્ગ એપ જ વાંચે છે. એટલે આ બધી વસ્તુઓ એન્ટિક થઈ ગઈ. હું પોતે પણ હવે એન્ટિક કાકો ગણાઉં. બકોર પટેલ એક વાર્તા માં" પા ચા પે રૂ" લઈ જવાનું યાદ રાખે છે. પાકીટ, ચાવી પેન રૂમાલ. હવે આમ તો બધે ટિસ્યુ મળતા હોઈ રૂમાલ પણ ફેશન છે. કોઈ બાંકડે કે રિવર ફ્રન્ટ ની પાળે રૂમાલથી જગ્યા ઝાટકી બેસતો જોયો? અમે પત્ની સાથે ક્યાંક ગયા હોઈએ તો સમ ઝાટકીને બેઠા છીએ. એ એન્ટિક મૂવમેન્ટ. ચાવી ઘર કે એક્ટિવા જે કાર ની ખરી. એના પણ પાસવર્ડ ને વોઇસ કમાન્ડ છે તોખરા. હજી સંપૂર્ણ ઉપયોગને વાર છે. તો જુઓ આ એન્ટિક થઈ રહેલી ચીજો એન્ટિક માણસ ની.
બેબી બ્લૂમર કુટુંબ દીઠ વધુ બાળકો હોવાનો ગાળો. '54 થી '64 ની સાલ હમણાં જોયેલી પોસ્ટ્સ અને લેખો કહે છે પણ કદાચ એ 1920 થી આઝાદી સુધી હતો. છપ્પનિયા દુકાળ વખતે ઘણાં બાળકો મરી ગયેલ, મા બાપોને પોતાનાં બાળકો વેંચી નાખવાની લાચારી આવેલ. એ પછી બધું સરાડે ચડતાં અને એ વખતે કન્યા 16 કે 18 વર્ષે ને પુરુષ 22 વર્ષે લગ્ન કરતા એટલે એ પેઢીમાં સાત આઠ બાળકો સામાન્ય હતાં. આજે જે પેઢીનું કોઈ જીવતું હોય તો 90 આસપાસ કે વધુ હોય 1955 થી 64 એ પેઢી. '55 થી '65 દરમ્યાન લોકોને શિક્ષણની મહત્તા સમજાઈ, વિભાજિત કુટુંબો થયાં અને એટલે બે કે ત્રણ બાળકો જ લોકો કરવા લાગ્યા હતા. બેસણાની નોંધોમાં આઝાદી પહેલાં જન્મેલ ના મૃત્યુમાં ભાઈ બહેનોનું લિસ્ટ જોશો, મીનીમમ પાંચેક. '55 થી '65 ની સાલમાં એ ત્રણેક બાળકો, 1972 માં તો 'બે બાળકો બસ, કુટુંબ નિયોજન' નું સૂત્ર અને કાર્યક્રમ ઈન્દિરાજીએ આપેલ જેમાં '74 માં યુપીમાં સંજય ગાંધીના અતિરેક વિશે આપણે જાણીએ છીએ. એન. ડી. કૌલ ની એક બુક વાંચેલ એમાં હતું કે અમુક વર્ગ કે ધર્મના લોકોએ ધરાર નાના કુટુંબની ના પાડી. અમુક ગીચ વસ્તીમાં રોગચાળો ઝડપથી ફેલાયો, અન્ન પુરવઠાની એટલી તંગી પડી કે શાસ્ત્રીજીએ તો એક ટંક ઉપવાસની સલાહ આપેલી. કદાચ કોઈ નહીં માને તો જબરદસ્તીથી મનાવશું એ વિચારે સંજય ગાંધીએ ખાસ તો યુપી માં લોકોને પકડી પકડી નસબંધી કરાવેલ. એમાં જ એ સરકારની હારનું એક કારણ બનેલ. ગુજરાત જેવાં પ્રગતિશીલ રાજ્યોમાં બે કે ત્રણ બાળકોનું ચલણ 55 ની સાલ પછી આવ્યું હોઈ શકે તેમ મારી ઉંમરનાં , આજે 60 થી 70 ના થવા આવેલ લોકોના ભાઈ બહેનોની સંખ્યા જોઈ કહી શકું છું. એમનાં સંતાનો તો એક કે બે. એ પછી તો ક્યાંક ચિંતાજનક ટ્રેન્ડ દેખાય છે. અતિશય તણાવ ભરી ને ભાગદોડ વાળી જિંદગી, જીવનશૈલીમાં કેટલોક અનિચ્છનીય બદલાવ એવાં કારણે નિઃસંતાન દંપતીઓ વધુ દેખાય છે પણ એક બાળક વાળાં, બાકી મહત્તમ બે વાળાં જ દેખાય છે. એટલે બેબી બુમ 1955 થી 64 નહીં, એનાથી બે થી એક પેઢી, કહો કે 1910 ના પાછલા દાયકાથી લગભગ આઝાદી સુધી કહી શકાય.
વહેલી સવારે બગીચામાં ચાલતાં લોકો, કૂણો તડકો, હળવી હળવી તાજી હવાની લહેરખીઓ. કોઈ જગ્યાએ યોગના ક્લાસ ચાલતા હતા. ઘણી જગ્યાએ એ રીતે, મોદીજીએ યોગ પ્રચલિત કર્યો ત્યારે શરૂ થયેલ યોગની ક્રિયાઓનું પુરા દોઢ કલાકનું સેશન હજી ક્યાંક ક્યાંક ચાલે છે. અહીં પણ, સવારે 6.30 થી 8 ચાલે છે એમાં તાળીઓની ક્રિયાઓ અને હાસ્ય થેરપી પણ આવી જાય. ભલા, પૂરો દોઢ કલાક યોગ પાછળ થોડો હોય? સૌરભ બોથરા 15 થી 20 મિનિટનું સુંદર સેશન આપે છે. લોકોને 'તત્કાળ મૈત્રી' કેવી રીતે થઈ જતી હશે? મારી સામે સ્મિત આપતા ઘણા વડીલો મળે છે પણ કોઈનું હું નામ નથી પૂછી શકતો ન કોઈ સ્મિતથી આગળ વધે છે. છતાં, હો હા કરતા, ટોળાંમાં એક સાથે સાત આઠ પુરુષો. એમની મિત્રતા કેવી રીતે થઈ હશે? નજીક રહેતા હશે, સાથે નોકરી કરતા હશે? કે કશું કોમન હશે? બહેનો પણ મોટેથી અંદરઅંદર વાતો કરતાં જતાં હતાં. આપણે એકલા અટુલા ચાલે રાખીએ. હવે તો જોડલાંઓ પણ દરેક ઉંમરનાં જોવા મળે છે. વયસ્કો થી માંડી 30 કે 32 વર્ષનાં. દોડીને ટીશર્ટ પરસેવા વાળું કરી મૂક્યું હોય એવા પણ. બધાનાં ટીશર્ટ્સ અદ્ભુત ડાર્ક રંગનાં. શૂઝ પણ અલગ અલગ જાતના, સુંદર. સ્ત્રીઓના સ્ટ્રેચેબલ કે નાયલોન ટીશર્ટ અને ગોળ મઝાની કે મોટી છાતીઓ ધરાર ધ્યાન ખેંચે. (બસ, ધ્યાન જ. બાકી મને યુવાનીમાં પણ વિકાર નહોતો આવતો.) વાતો.. કોઈ કર્મ ની વાત કરતું હતું, કોઈ ' પુરુષ બીજા જન્મમાં પુરુષ જ બને, સ્ત્રી નારી જ બને ભલે ગમે તે પશુ પ્રાણીનો અવતાર હોય ', ' મારી સાસુ તો..', કાલે ફોન પર શું સામસામી જામી હતી..' જેવી બહેનોની વાતો. પુરુષોમાં હવે શેર ને બદલે જમીન કે રીયલ એસ્ટેટ ઈન થિંગ લાગે છે. બાનાખત એક વાર કરી દીધું.. અરે કોરોના અગાઉ જ પાંચ કરોડની જમીન લીધેલ એના પચીસ કરોડ થઈ ગયા.. અરે યાર, કેશ ના ચાલીસ ટકા તો બધા આપે જ.. અરે સી. એ. ઉપરાંત અમુક એજન્ટ (લાલાભાઈ, ચકાભાઈ વ.) ને પૂછો, બધી વ્યવસ્થા કરી આપશે.. આવી વાતો ચાલતી હતી. ક્યાંક ચાલવા સાથે ફોન પર બિઝનેસ ટોક પણ ચાલતી હતી. કોઈ ખૂણે પ્રાણાયમો, ક્યાંક સૂર્યનમસ્કાર કે લોન માં જ આસનો, દરેકનાં અલગ અલગ. એક વયસ્ક કપલ રમતના સાધન પર હેન્ડલો પકડી સામસામું કસરત કરતું હતું એ જોવું ગમ્યું. સવારે બહાર જ્યુસવાળાને તો તડાકો. દૂધી, કારેલાં, આદુ હળદર ને એવી વસ્તુઓનો જ્યુસ. હવે લોકો સવારે ત્યાં પ્યાલીમાં ચા પીતા નજરે ચડતા નથી. ઘેર ચા પી ને આવતા હશે? તો આવું બધું નિરીક્ષણ કર્યું. આપણે તો પેડોમિટર માં 5000 સ્ટેપ કરી પાછા! હા, સવારે સાડા છ વાગે એકદમ તાજી હવા હોય છે. સવાઆઠ પછી ખાસ કોઈ મોર્નિંગ વોકર દેખાતું નથી.
આજે શ્રી. દેવાંશુ પંડિત નો અમદાવાદમાં પાણી કેમ ભરાય છે તે મતલબનો યુટ્યુબ વીડિયો જોયો. સાંજે કોઈ કામે બહાર નીકળતાં જોયું કે ગટરો (એક પાડોશીએ ધ્યાન દોર્યું કે ગટર અને ડ્રેનેજ અલગ વસ્તુઓ છે) એટલે આ પાણીના નિકાલ, ડ્રેનેજ સિસ્ટમ ના રસ્તા પર રાખેલ સિમેન્ટનાં ઢાંકણાં સજ્જડ બંધ હતાં. ક્યાંક એને ઉપાડવાના સ્લોટ તૂટી ગયેલ, ક્યાંક ધાર માં કચરો ભરાઈ ગયેલ. એ સહેજ પણ ખોલી શકાઈ હોત તો બોપલમાં અમારાં ઘરોમાં જે મોટું નુકસાન થયું એ ઓછું થઈ શક્યું હોત. ઉનાળા ના અંતે, જૂન ના અંતિમ સપ્તાહમાં એક વાર જે તે સોસાયટીએ અને રસ્તે મ્યુનિ. એ આ ડ્રેનેજ નાં ઢાંકણાં ખોલવાં જોઈએ. બીજું, ડ્રેનેજ લાઇનમાં કચરો ન જ જવો જોઈએ. અહીં તો ડ્રેનેજ ખરી, ગટર માં પણ ઝાડની કાપેલ ડાળીઓ, ખોરાકનો જથ્થાબંધ એંઠવાડ, નારિયેળના છોતાં, પ્લાસ્ટિક અને થર્મોકોલ એ બધું કચરા ગાડી મિસ થાય તો ત્યાં ઠલવાય છે. એટલે સોય નો ઘા શૂળી થી સહન કરવો પડે છે. ઘર દીઠ પચાસેક હજારનું કુલ નુકસાન ગણી લો. એમાં હું પણ આવી ગયો. વીસ ઇંચ વરસાદ અસામાન્ય બાબત છે જે દર ચોમાસે ન બને પણ ભારે વરસાદ તો આવે જ છે અને જો ધ્યાન રાખીએ તો પાણી ઘણું ઓછું ભરાય ને જલ્દી નિકાલ થઈ જાય.
ધીમે ધીમે રાત પડી કાજળ ઘેરી નભને અડી હળવે હસતો ઉગ્યો ચાંદો આકાશે તો ભાત પડી ધીમે ધીમે રાત પડી. જંપ્યા જળ ને પંખી પોઢયા તારલિયા જો ચમકે ચોડ્યા મંદ મંદ આ વાતો વાયુ જાણે નભે હાલરડું ગાયું ધરા સુણતી ઝોકે ચડી ધીમે ધીમે રાત પડી. ખાલી રસ્તા પથરાયા પહોળા વૃક્ષ પર પ્રકાશ લે હિલોળા પડછાયા સંગ હોડ બકી અંધાર ઉજાસ ને રમત જડી ધીમે ધીમે રાત પડી શાંત સૃષ્ટિ શીતલતાની વૃષ્ટિ શમણાં કરે નિદ્રા સહ ગોષ્ઠી આલિંગે જો શશી વાદળીને હળવે મધુરું ચુંબન કરી ક્ષિતિજ દ્વાર ને મારી કડી ધીમે ધીમે રાત પડી -સુનીલ અંજારીઆ
મોબાઇલ માં ગુગલ મેપ ખોલ્યો હોય ને અમુક વાર પળવારમાં પેલું 'બ્લુ ટપકું' બતાવી દે કે આપણે ક્યાં ઊભા છીએ! આ ટેક્નોલોજી કામ કઈ રીતે કરે છે? GPS (Global Positioning System) એ અમેરિકાની મિલિટરીએ બનાવેલી સિસ્ટમ છે. પૃથ્વીની બહાર અંતરિક્ષમાં આશરે ૩૧ જેટલા સેટેલાઇટ્સ સતત ચક્કર લગાવી રહ્યા છે. . આ સેટેલાઇટ્સ પૃથ્વી પર સતત રેડિયો સિગ્નલ ફેંકે છે. તમારા ફોનની અંદર રહેલી નાની GPS ચિપ આ સિગ્નલને પકડે છે. તમે પૃથ્વી પર ગમે ત્યાં ઊભા હોવ, તમારા માથા પર ઓછામાં ઓછા ૪ સેટેલાઇટ્સ નજર રાખતા જ હોય છે. તમારો ફોન એ ગણતરી કરે છે કે કયા સેટેલાઇટનું સિગ્નલ કેટલી વારમાં પહોંચ્યું અને એના આધારે તમારું એક્ઝેટ લોકેશન કાઢી આપે છે. . પણ જ્યારે આપણે ઘરની અંદર હોઈએ ત્યારે સેટેલાઇટના સિગ્નલ ડાયરેક્ટ નથી મળતા. એટલે ફોન સ્માર્ટ ગેમ રમે છે, જેને A-GPS (Assisted GPS) કહેવાય. ફોન સૌથી પહેલા નજીકના મોબાઈલ ટાવર અને વાઈફાઈની મદદથી ૨ સેકન્ડમાં તમારો અંદાજિત એરિયા પકડી લે, અને પછી બેકગ્રાઉન્ડમાં સેટેલાઇટ સાથે કનેક્ટ થઈને એક્ઝેટ લોકેશન પકડી પાડે. . GPS ને લગતી એક ગેરમાન્યતા છે કે આપણૉ ફોન સેટેલાઇટને સિગ્નલ મોકલે છે. હકીકત એ છે કે એ નાનકડો ફોન એટલો પાવરફુલ નથી કે ૨૦,૦૦૦ કિલોમીટર ઉપર સિગ્નલ મોકલી શકે. સેટેલાઇટ ખાલી સિગ્નલ 'ફેંકે' છે, આપણો ફોન ખાલી એને રેડિયોની જેમ 'સાંભળે' છે. . મોબાઇલ લીધો હોય ત્યારે એના ફિચર માં Positioning સેક્શન ની સામે GPS, GLONASS, GALILEO, BDS વગેરે શબ્દો લખેલા હોય આ બધું શું હોય છે? આ બધી અલગ અલગ દેશોની પોતાની GPS સિસ્ટમ છે! • GPS: અમેરિકાની (સૌથી જૂની) • GLONASS: રશિયાની (ઠંડા પ્રદેશોમાં બહુ પાવરફુલ) • GALILEO: યુરોપની (અમેરિકા કરતા પણ વધુ સચોટ) • BDS (Beidou): ચીનની • QZSS: જાપાનની (બહુમાળી ઇમારતો વચ્ચે પાકું લોકેશન આપે) . આપણું પોતાનુ GPS કહી શકો એવી સિસ્ટમ એટલે NavIC (IRNSS). કારગિલ યુદ્ધ વખતે અમેરિકાએ ભારતને GPS ડેટા આપવાની ના પાડી દીધી હતી. એ પછી ભારતે સ્વદેશી ટેકનોલોજીથી પોતાની સિસ્ટમ બનાવી જેનું નામ છે NavIC. આ સિસ્ટમ ભારત અને આસપાસના વિસ્તારમાં અમેરિકાના GPS કરતા પણ વધુ ફાસ્ટ અને સચોટ લોકેશન આપે છે. હજી એ દરેક મોબાઇલ માં નથી આવી અને અત્યારે આપણામાંથી મોટાભાગ ના લોકોના મોબાઇલ માં GPS વાળુ જ ચાલુ છે, પણ ધીમેધિમે એ આપણા મોબાઇલ સુધી પહોચી જશે એ ફાઇનલ છે. . આ GLONASS, GALILEO, BDS બધું ફોનમાં હોવાનો ફાયદો એ છે કે જો તમે ઊંચી બિલ્ડીંગો વચ્ચે હોવ અને અમેરિકાના સેટેલાઇટ ના મળે, તો ફોન આપોઆપ રશિયા કે ભારતના સેટેલાઇટ સાથે જોડાઈને તમારું પાકું લોકેશન કાઢી લે છે! .
मेरी हिंदी में लीखी पुस्तक। 12 अच्छी से अच्छी कहानियों का संग्रह जिसमें से ज्यादातर कहानियां इस प्लेटफॉर्म पर है। अपने इस प्लेटफॉर्म के मित्रों के लिए सिर्फ 125 रु. शगुन के में दे सकता हूं। जो गुजराती समझ नहीं सकते उनके लिए और मेरी जैसे गुजराती जो हिंदी में लिखा enjoy कर सकते हैं उनके लिए। संपर्क 9825105466
"બસ, પાંચ કિલો ખાંડ!" હમણાં મારી ઈશ્વર અને ભાગ્ય પ્રત્યે શ્રદ્ધા ઓચિંતી ઉમટી પડી. આખી જિંદગી god fearing અને pious હોવા છતાં થયું કે દાન ધર્મ કરીએ, કંઇક રાહત મળે, ભગવાન રાહત આપે. આજે શ્રીમતી બોપલ ભવ્યપાર્ક પાસે મારી જ કોઈ વસ્તુ લેવા ઉભેલ અને હું સાઇડ પર એકટીવા લઇને. પહેલાં એક સાધન આવતું, light diya and god appears (એટલે એક તકતી પર ભગવાનની અદૃશ્ય છબી હોય, સાથેની દીવીમાં દીવો કરો એટલે ગરમીથી એ તકતી પર ભગવાનની છબી દેખાય.) એમ હવામાંથી કે કોણ જાણે ક્યાંથી એક ડોશી ભિખારણ પ્રગટ થઈ. "મારા વીરા, કાંઈક દાન કર, તારી બધી યાતનાઓ દૂર થઈ જશે" વગેરે કહેવા લાગી. (એને ક્યાં થી ખબર મારા મનમાં શું ચાલી રહ્યું હોઈ શકે? ફેસ રીડિંગ ની પ્રેક્ટિસ?) હવે ઓચિંતા ધાર્મિક બનેલા મારા ખીસામાં પાકિટ નહીં. બધું યુપીઆઈ થી કરું. એને કહ્યું તો કહે "ભઈલા, સમજું છું. સામેની દુકાનમાંથી કાંઈક અપાવી દે." શ્રીમતી દૂર હતી, દેખાતી ન હતી. મેં કહ્યું બોલ, શું જોઈએ છીએ? તો કહે તું જે આપે એ. મેં કહ્યું એક બે કેરી કે ફ્રૂટ અપાવું? તો કહે ના, ફ્રુટ તો નથી લેવું. એમ કર, મારે પીવા ચા ખાંડ અપાવી દે. એ કરિયાણા વાળો સ્કેન લેશે. ઠીક, મેં કહ્યું ભલે, સો ગ્રામ ખાંડ અપાવું. તો કહે અરે બાપલા, એટલામાં શું થાય? પાંચેક કિલો કરી દે !! અમને બે ને પણ મહિને માંડ દોઢ કિલો કે ઓછી જોઈએ. દાન નો વિચાર માંડી વાળ્યો . મુશ્કેલીઓ તો ઝળુંબે , આર્થિક અને અનેક ભય કે ટેન્શન લેતી આવે પણ એટલે આમ દાન કરવું ન ગમ્યું. ત્યાં શ્રીમતી આવી. મેં કહ્યું આને વીસેક રૂપિયા આપી દે. તો એ કહે બાઈ, સો તો સામાન્ય કહેવાય! Mrs કહે આ ગમે ત્યાંથી ટપકી પડે છે. અમુક ભિખારીઓ આવાં માર્કેટ પ્લેસ, મંદિરો પાસે પેધાં પડ્યાં હોય છે. હાલો, કરો એક્ટિવા સ્ટાર્ટ. એ બાઈ થી પીછો છોડાવવા ત્રણ વાર મારી એક્ટિવા સાથે જગ્યા બદલી, એ બધે થોડી સેકન્ડમાં આવી ગઇ. શ્રદ્ધા, દાન થી મુશ્કેલીઓમાં રાહત થશે વગેરે અંધ માન્યતા જેમાં અત્યારે હું પણ આવી ગયો, એ રહેશે ત્યાં સુધી આ ભિખારીઓ નો ધંધો અમર રહેશે. આમાં પણ નેગોશીએશન હશે, જે પાંચ કિલો કહી પાંચસો ગ્રામ પર આવશે?
રાજકોટ ની ચર્ચિત કથાની ઘણી પોસ્ટ્સ વાંચી. છેલ્લે હમણાં જ જે વસાવડાની કે હનુમાનજી તો ભૂત નસાડે, એની કથામાં ભૂતો ધૂણ્યા? આમ તો વિષય સાઇકિઆટ્રિસ્ટી ને સ્પર્શતો છે પણ આવું મેં જોયેલું છે. એક જ રિધમમાં અમુક ધૂન ગવડાવે , એક જ મ્યુઝિક. સાવ પ્રાથમિક ટોન માં તો મા બાળકને હીંચકો નાખતી હાલરડાં ગાય એવું, એક જ રિધમ, હીંચકાની એક sooyhing પેટર્ન બાળકને ઊંઘાડી દે છે. એમ જ અહીં કોઈ ધૂન, પાછી ડોલતાં ડોલતાં બોલવાની, પહેલાં ધીમે, પછી ખબર ન પડે એમ વધુ ધીમે, પછી ફાસ્ટ. એટલે મગજ કન્ફ્યુઝ થઈ એમાં ઓતપ્રોત થઈ જાય અને પેલુ મ્યુઝિક સાથે ડોલવાનું જોર પકડે, હજી વધુ, હજી ઝડપથી ધૂન અને મ્યુઝિક. પછી તે ઓચિંતું બંધ થાય . ચાલતી ટ્રેન ઉભી રહે તો એકદમ આગળ ઝૂકીએ એમ મગજનું બેલેન્સ અને એમ આખું શરીર એ ડોલન શૈલીમાં હોય જે એકદમ ધૂન, મ્યુઝિક બંધ પડતાં થોડી વાર ધૂણ્યા કરે. મગજ પર કાબુ ન હોય એટલે માણસ ગોળ ફરે, હાથ પગ પછાડે. થોડું માસ હિપ્નોટિઝમ જેવું પણ. મગજના વેવ્ઝ ને એ આલ્ફા કે થીટા કહે છે એવું. વર્ષો પહેલાં અમરેલી નોકરી કરતો ત્યારે કોઈ પ્રોગ્રામ માં હરિ ઓમ તત્સત્.. જય ગુરુદત્ત.. એ રીતે બોલાવતા હતા. એક નાગર, સ્માર્ટ બહેન મંદાકિની પુંડરિકરાય અંજારિયા તરત ઊભાં થઈ બહાર જઇ આવ્યાં અને એક મીનળ ઓઝા નામની યોગ એક્સપર્ટ છોકરી ભાન ગુમાવવા માં જ હતી તેને થપ્પડ કે ચોટીઓ ભરી કહે જાગૃત રહે, ધૂન બંધ કરી દે. આ વાત એ બહેને કરી હતી. એ ધૂન સાથે સાવ ધ્યાનમાં હોય કે ટ્રાન્સ માં હોય તેમ લોકોને ધુણતા જોયા છે. અહીં પણ આવું જ હોવું જોઈએ. માસ હિપ્નોટિઝમ દ્વારા કોઈ ખેલ.
Copyright © 2026, Matrubharti Technologies Pvt. Ltd. All Rights Reserved | Powered by Custom Web Development Company India.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
