The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
નમણું નખરાળુ ને નટખટ જો આવ્યું તું એક શમણું , વહાલ એના પર ન જાણે કેમ? આવ્યું તને બમણું . રઢિયાળી રાત માં બંધ મિજાગરે વાગ્યા રૂડા ઢોલ, ઢોલના તાલે થીરકે કેમ ડાબાને બદલેં અંગ મારું જમણુ! રિસાયું એ, જો નાહકનું તને નખશીખ નિહાળવા માત્ર, ને તે એને અજાણતા ગણી લીધું સાવ એમ સજા પાત્ર! જેમ જેમ જાવ, મનાવવા એમ રીસાય એ અડિયલ બમણુ, તોડી તાણી ને અંતે કૃતિ એ રાખી લીધું એ મનોહર શમણું. કૃતિ રાવલ
આપી આપીને તમે દલડું આપો , વ્હાલમ ! ધડકન આપોતો અમે જીવીયે ... જાત કરી જીર્ણ એની કળશી ભરી , ને એને અક્ષતની આડમાં સંતાડ્યા , મોટેરા માટને ગરણું ઓઢાડી, અમે ઝાકળને જય વરી આવ્યા આપી આપીને તમે હોંકારો આપો , વ્હાલમ ! હાથ આપોતો અમે આવીયે કલમની કણી થીજે ને થરથરે , ને અધરોમાં અટવાણુ શું ? હકલાતી લુલી ને તું ઓળઘોળ થઈજાય , ને પછી લાજનું મારે કરવું શું ? આપી આપીને તમે વિરહ આપો , વ્હાલમ ! વર્તારો આપોતો અમે આવીયે . કૃતિ રાવલ
અંધારાંની ઓસરીયું જો આડી નડે તો .., તું , એને અંતરના ઓરડે જીક.. કોરપના રંડાપા મેલી ને માળિયે... હવે આથમણે ઉગમણા લીપ.. આંકડાના અધુરા ઓરતા રહે એમ .., જો મોતી હોય , તો તો હોય એને છીપ.. મરજાદા મેલીને મોકા ની તાળીએ .. હવે ,કમાડ કાજળ ના કરી ને ટીપ .. લોકોના અબોલડા ઓછા પડે તો , સથવારો આતમ નો પી લે ઘડીક, અંતે તો વર્તારો ભોળાના ધામ માં , અજવાળા શ્વાસો ની સમીપ ... અંધારાં ની ઓસરિયું આડી નડે તો... કૃતિ
ભીંજવિલે આયખાના માવઠામાં ખુદને તું , આ કમોસમી વરસાદ તને ફરી ફળે ના ફળે . આ કમોસમી વરસાદ તને ફરી મળે ના મળે . કૃતિ રાવલ -kruti raval
મેહંદી ઉતરી ને એની ભાત રહી ગઈ , ચણોઠી ચડીને મારી જાત વહી ગઈ . પાલવનો છેડો બંધાયો હીરની દોર ..., ચિચિયારી આંગણાની મને કહી ગઈ . બાગમાં વાવેલા જૂઈના વેલા ઉછેર્યા હેતથી , સુગંધ..... એ વેલાની .. ચોમેર રહી ગઈ . વારસદાર રહ્યા ભઈ અમે પાનખર ના , સળગ્યું સુકું ભટ્ટ ને રાખ એની રહી ગઈ . ચોમાસા અંતે વાવ્યા નયનો મહી અમે .., આંસુ સુકાયા ..,ને ઉઘાડ તોઈ.. ઝાકળ રહી ગઈ . ૧૩-૦૨-૨૦૧૬ કૃતિ રાવલ
દાંડલીની ચાંખડી શ્વાસોથી છલોછલ ફૂલ , ને ફૂલની પાંદડીમાં ચમકે ઝાકળની ઝુલ . -kruti raval
ખીલતા જોઈ હતી મેં દિવસે રાતરાણી ..., તે સમય થી જો મઘમઘુ છુ.. સુઘંધ બની ભટકી જ્યારથી તારામાં ... ખોવાયા પછી મારી જાત શોધું છુ .. -kruti raval
ના રોક્યું રોકાય ના જીલ્યું જીલાય , મારા ઉરનું ઓરતું, કેમ કરી ઠેલાય ? -kruti raval
ઓટાની કોર ક્યાંક ખરી ગઈ છે જ્યારથી , તડ તાળવા માં પડેલી સંધાણી નથી ત્યારથી -kruti raval
ક્ષિતિજ નાં સઘળા રંગો રોળી રંગોળી પૂરે મારા શમણાં નખ તારા નમે મારી કોર ડગમગ થતાં જરા નમણાં દૂર ઝાંઝવા જોલા ખાય ને અહીંયા દલડાં દાજે મારા આવ્યા કરે અણસાર ને ફરકે અંગે અંગ ડાબા જમણા... -kruti raval
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
