The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
💙 આમ જોવા જઈએ તો,જ્યારે ઘરમાં વ્યક્તિ એકલી હોય ત્યારે મન પર ખૂબ જ નિયંત્રણ રાખવું પડે છે,કારણો ઘણાં છે માનસિકતા બગડી જવાના. વ્યક્તિ એકલી રહેતી હોય એટલે એને પૂરેપૂરું એકાંત મળે જ,એ વાત ખોટી છે. વ્યક્તિ એકલી હોય છે ત્યારે માત્ર એની સાથે એકલતા હોય છે. પણ જ્યારે એ એકલી રહીને પણ કુદરત ને સાથે રાખીને પોતાનું મનગમતું કાર્ય કરે છે. ફરવાનું,ગાવાનું,ચિત્રો દોરવાનું, આવા અનેક કાર્ય છે અને એ કાર્ય થી આર્થિક ઉપાર્જન તો નથી થતું પણ માનસિક સ્થિતિ ખૂબ જ સુંદર બને છે અને વ્યક્તિના મન ની સ્થિતિ ડામાડોળ નથી થતી. અને વ્યક્તિ ને પોતાના એકલા હોવાનો આભાસ પણ થતો નથી અને એના મનગમતા કાર્ય સાથે એને એકાંત મળી રહે છે. એકાંત વ્યક્તિને પ્રગતિ તરફ લઈ જાય છે.જ્યારે એકલતા માં વ્યક્તિ માનસિક ખોખલી થઈ જાય છે. એકલા હોઈએ ત્યારે મન પર વિચારો નું શાસન ચાલવા દેવું એટલે એકલતા નો અનુભવ થાય છે. અને જ્યારે મન પર વ્યક્તિ નું નિયંત્રણ હોવું એટલે એકાંત નો અનુભવ ..... જ્યારે પણ એવું લાગે કે એકલતા હાવી થાય છે,ત્યારે એકાંત ને શોધવા પ્રયત્ન કરવો જોઈએ. ચોક્કસથી કુદરત મળી રહેશે. બીજા કોઈ શોખ હોય કે ના હોય, પણ જો જીવવાનો શોખ પાળી લીધો તો, એમા બધા જ શોખ વિલીન થઇ જશે.💙 -@nugami. .
હેત ઠલવતાં આવડી ગયું, નેહ નીતારતાં આવડી ગયુ, કોણ અહીં કોનું છે? એ પંચાત્તથી પર, માણસાઈ દેખાડતાં આવડી ગયું. નાહકનાં બોજ છે અહીં, ને સફર છે ટૂંકી. કઈ ઉંમરનાં ઓટલે કયું પોટલું ઉતારવું? એ સમજને જીવતાં આવડી ગયું. કાયા મળી જો હોય, કંચન જેવી, તો પછી પૈસા ને સોનાની પાછળ ખોટી દોટ ના મૂકવી, એવી પાછળથી પણ સહેજેય , ધીરે ધીરે સમજને જીવતાં આવડી ગયું. આપણા વિના કંઈ અટકવાનું નથી, એ વિચારી, થોડું પોતાનાં માટે,અને થોડું પોતાનાં માટે આ બબ્બે વાર જીવતાં આવડી ગયું. મૂકયો હેઠે આ પાપ પુણ્યનો ભાર, ને જીવવાનો પોટલો અલમસ્ત બની, પોતાના જ માથે હળવોફૂલ રાખતાં આવડી ગયું. થોડું હાસ્ય ને થોડી ધીરજ, થોડી હિંમત સાથે, બધું જ પૂર્ણ ના પણ મળે, પણ જે મળ્યું છે, એને પૂર્ણત: સ્વીકારતાં આવડી ગયું. ઉંમરનો તમાચો બધું જ શીખવે છે, બસ જે તે ઉંમરના ઓટલે એના સંભારણા ચિતરતાં આવડી ગયું. -@nugami.
તારી હિંમત ક્યાં હતી, મને લૂંટી લેવાની? આતો મારાં હૃદયે નક્કી કર્યું, લૂંટાઈ જવાનું. તને ક્યાં ખબર હતી, મારાં ગાલનાં એ તલ પર તને મોહ થઇ પડશે? આતો મારાં હાસ્યએ નક્કી કર્યું, ચુમાઈ જવાનું. તારી આંખો પણ ઘણી નકામી નીકળી, ભરમાઈ જવામાં. એતો મારી નજરે નક્કી કર્યુ, કાજળમાં ઘૂંટાઈ જવાનું. -@nugami
પાછા હાલો પાછા, કંઈ માણસાઈ નથી રઈ ન્યા, માંડ માણહ બનવા નીકળ્યા'તા. હવે હાલો પાછા. ન્યા તો માણહનાં ચામડામાં શરીરના, પૈસાના, હવારથના લોભીયા વરુ ભટકાહે.
🖤🤎🖤સમય અને પૈસાની ગણતરીમાં એજ તો તફાવત છે. પાસે કેટલા પૈસા છે. એની ગણતરી કરીને રાજી થયા કરાય છે. પણ કેટલો સમય છે એની ગણતરી ન કર્યા વગર બીજાની પંચાતોમાં, ચિંતાઓમાં, લાલચમાં સમય વિતાવાય છે.સમય ખૂબ જ કિંમતી છે એ રોજ સાંભળીએ છીએ. પણ એ સમય કેવી રીતે જીવાય એતો જાત અનુભવે જીવન્તં અખાડામાં ઉતરવાનો પ્રયત્ન કરીએ ત્યારે જ ગણતરી કરી શકાય. -@nugami.🖤🤎🖤
આદતોમાં તારી હાજરી જણાય છે, તું ના હોય સાથે છતાંય, સ્મરણોની વાદળી ઘેરાય છે. -@nugami.
કોણે કહ્યું હું સમજદાર છું? શબ્દોથી મારા હું વજનદાર છું. સ્વભાવનાં કોઈ ખૂણે હશે ક્યાંક અછત, પણ લાગણીથી હૃદયે ભરાવદાર છું. કોણે કહ્યું હું સમજદાર છું? -@nugami💙
કુંભ પોતાની ભીતર જ છે. જેમ ગંગા, યમુના અને સરસ્વતીનો ત્રિવેણી સંગમ એટલે પ્રયાગરાજ.જેમાં ગંગા અને યમુના તો ઓળખાય છે એમના જળનાં રંગથી, પણ સરસ્વતી નથી દેખાતી.જે છુપાયેલી છે, પણ છે. એજ રીતે શરીર અને મન તો અનુભવીએ છીએ. પણ ચેતનાનો અનુભવ કરી શકતા નથી. ચેતના એટલે આત્મા. જેને ઓળખવામા આખું જીવન વ્યતીત થઇ જાય છે અને જો એને ઓળખી લો તો કુંભ પોતાની ભીતર જ છે અને જીવન પ્રયાગરાજ. પછી ક્યાંય જવાની જરૂર નથી. -@nugami.
ઠોર હેને બેયન?" "ઠોર???" "આ શું વળી??" "અરે બેયન, મજામો ક ની?" "અરે હા, મજામાં." "અમાર ભાષામો મજાને ઠોર કેવરાય." "હોવે રે હોવે, તમારી ભાષા તો બાપ ગજબ." "દાદાને બા કેવરાય, ને બાપાને કાકો." "ઘડીક અમાર કને બેહો તો ખબર પડેને." "હા, હુ આજે મળવા જ આવી છું તમને બધાયને, ને કઈંક નવું જાણવા." અવનવી ઘણી વાતો કરી. પણ હાલના સમયમાં પણ હિંમત અને રુઆબ જોવા જઈએ તો ઘૂમટાની પાછળ જ છાનું છપનું છે. આજના આધુનિક યુગમાં પણ જૂનવાણી કહેવાતું એક રૂઆબભેર જીવન ઘૂમટા પાછળ જીવાય છે. સ્ત્રીત્વનો દેખાડો કર્યા વિના બસ પાણીનો પ્રવાહ વહે, એ રીતે પરિશ્રમ કરી જીવનને સાચી દિશામાં સતત ચલાવ્યે રાખવાનો પ્રયાસ. ❤️❤️❤️ આ ધૂમટા પાછળનો સંઘર્ષ જીવનનાં સંઘર્ષને ફિક્કો પાડી દે છે. -@nugami
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
