ಉದ್ಯೋಗಿಗಳ ಮೌನ ಪ್ರತಿಭಟನೆ, ವಿಶೇಷವಾಗಿ ಸಂದೀಪ್ನ ಖಾಲಿ ಜೇಬು ತೋರಿಸುವ ಕೃತ್ಯವು, ಅನುಷಾಳನ್ನು ಒಂದು ದೊಡ್ಡ ಸತ್ಯದ ಕಡೆಗೆ ತಳ್ಳಿತು. ತನ್ನ ತಟಸ್ಥ ಬಿಂದು' ತಂತ್ರಜ್ಞಾನವು ಕಳ್ಳರನ್ನು ನಿಯಂತ್ರಿಸುವ ಬದಲು, ತನ್ನದೇ ತಂಡದ ನಂಬಿಕೆಯನ್ನು ಭೇದಿಸುತ್ತಿದೆ ಎಂದು ಅವಳಿಗೆ ಅರಿವಾಯಿತು. ಆದರೂ, ಅವಳು ಈ ಸಿಸ್ಟಮ್ನಿಂದ ಹಿಂದೆ ಸರಿಯಲು ಸಿದ್ಧವಿರಲಿಲ್ಲ, ಏಕೆಂದರೆ ಆಕೆಯ ದೃಷ್ಟಿಯಲ್ಲಿ ಇದು ಅಪೇಕ್ಷಿತ ಅಡ್ಡ ಪರಿಣಾಮ.
ಒಂದು ದಿನ, ವಿಶ್ವಾಸ್ ಅನುಷಾಳಿಗೆ ಒಂದು ಹಳೆಯ ಕಥೆ ಹೇಳಿದರು. ಹಿಂದೆ ತಿಮ್ಮಣ್ಣಯ್ಯನವರು ಮರದ ಚಿಲಕ ಬಚ್ಚಿಟ್ಟಾಗ, ಅದಕ್ಕೆ ಕಾರಣ ಕಳ್ಳತನದ ಭಯವಿರಲಿಲ್ಲ. ಬದಲಿಗೆ, ತಮ್ಮ ಮಗನ ನಡತೆಯ ಬಗ್ಗೆ ಅವರಿಗೆ ಮೂಡಿದ ಮೊದಲ ಸಂಶಯ.
ಈ ಮಾತು ಅನುಷಾಳ ಮನಸ್ಸಿನಲ್ಲಿ ಒಂದು ಹೊಸ ಬೀಜ ಬಿತ್ತಿತು. ಕೇವಲ ಕೆಲಸದ ಸ್ಥಳದಲ್ಲಿ ಕಣ್ಗಾವಲಿಟ್ಟರೆ ಸಾಕೇ? ನಿಜವಾದ ಅಪಾಯ, ಹಳೇ ಬೀಗದ ಯುಗದಲ್ಲಿ ಆದಂತೆ, ಮನೆಯೊಳಗಿನ ಸಂಬಂಧಗಳಲ್ಲಿ ಅಡಗಿರುತ್ತದೆಯೇ?
ಅನುಷಾಳ ಕಂಪನಿಯ ಮುಖ್ಯ ತಂತ್ರಜ್ಞಾನ AI-ಆಧಾರಿತ ಮೈಕ್ರೋ-ಚಲನೆ ಟ್ರ್ಯಾಕಿಂಗ್. ಇದನ್ನು ಕೇವಲ ದೊಡ್ಡ ಪ್ರಾಜೆಕ್ಟ್ಗಳಿಗೆ ಬಳಸಲಾಗುತ್ತಿತ್ತು. ಆದರೆ ಅನುಷಾ, ಯಾರ ಅರಿವಿಗೂ ಬಾರದಂತೆ, ಆ ತಂತ್ರಜ್ಞಾನವನ್ನು ತಮ್ಮ ವೈಯಕ್ತಿಕ ಜೀವನದ ಮೇಲೆಯೇ ತಿರುಗಿಸಿದಳು.ಅನುಷಾಳು ತನ್ನದೇ ಮನೆಯ ಅನೇಕ ಸೂಕ್ಷ್ಮ ಪ್ರದೇಶಗಳಲ್ಲಿ, ಕಣ್ಣಿಗೆ ಕಾಣದಂತೆ ಮೈಕ್ರೋ ಕ್ಯಾಮೆರಾಗಳನ್ನು ಅಳವಡಿಸಿದಳು. ತನ್ನ ಮನೆಯ ಕೆಲಸಗಾರರ ಮೇಲೆ ಅಥವಾ ತನ್ನ ಸಂಬಂಧಿಕರ ಮೇಲೆ ಯಾವುದೇ ಅನುಮಾನವಿಲ್ಲದಿದ್ದರೂ, ಅವಳು ಕೇವಲ ಡೇಟಾವನ್ನು ಸಂಗ್ರಹಿಸಲು' ಈ ನಿರ್ಧಾರ ತೆಗೆದುಕೊಂಡಳು. ಆಕೆಯ ಮನಸ್ಸಿನಲ್ಲಿ, ಎಲ್ಲವೂ ದಾಖಲಾದರೆ, ಯಾರ ಮೇಲೂ ಅನುಮಾನಪಡುವುದು ತಪ್ಪಾಗುತ್ತದೆ, ಎಂಬ ವಿಚಿತ್ರ ತರ್ಕವಿತ್ತು. ಅನುಷಾ ಒಂದು ವಾರಗಳ ಕಾಲ ತನ್ನ ಮನೆಯ ಕಣ್ಗಾವಲು ದೃಶ್ಯಗಳನ್ನು ಸರ್ವರ್ರೂಮಿನಲ್ಲಿ ಗುಟ್ಟಾಗಿ ಪರಿಶೀಲಿಸಿದಳು.
ಅಲ್ಲಿ ಕಳ್ಳತನವಾಗಲೀ, ಅನೈತಿಕ ನಡವಳಿಕೆಯಾಗಲೀ ದಾಖಲಾಗಲಿಲ್ಲ. ಬದಲಿಗೆ, ದಾಖಲಾಗಿದ್ದು ಮಾನವೀಯ ಭಾವನೆಗಳು.
ದೃಶ್ಯ 1: ಆಕೆಯ ತಾಯಿ, ರಾತ್ರಿ ತಡವಾಗಿ ಬಂದ ತನ್ನ ಗಂಡನಿಗೆ ಊಟ ಬಡಿಸುವಾಗ, ಕ್ಯಾಮೆರಾ ನೋಡದಂತೆ, ಅವನ ಕೈ ಹಿಡಿದು ನಿಧಾನವಾಗಿ ನಕ್ಕ ದೃಶ್ಯ.
ದೃಶ್ಯ 2: ಆಕೆಯ ಸಣ್ಣ ಸಹೋದರ, ಕ್ಯಾಮೆರಾ ಕಣ್ಣಿಗೆ ಕಾಣದಂತೆ, ಅನುಷಾಳ ಹಳೆಯ ಪೆನ್ನು ಕಳುವಾದ ನಂತರ ತಾನು ಕದ್ದು ಒರೆಸಿ ಇಟ್ಟಿದ್ದ ಪೆನ್ನಿನ ನಕಲನ್ನು ಮೇಜಿನ ಮೇಲೆ ಇಟ್ಟುಹೋದ ದೃಶ್ಯ.
ಈ ದೃಶ್ಯಗಳು ಅನುಷಾಳನ್ನು ತಟ್ಟಿದವು. ಕ್ಯಾಮೆರಾವು ಸುಳ್ಳುಗಳನ್ನು ಹಿಡಿಯುವ ಬದಲು, ಗುಪ್ತ ಪ್ರೀತಿ ಮತ್ತು ಕಾಳಜಿಯ ಕ್ಷಣಗಳನ್ನು ದಾಖಲಿಸಿತ್ತು. ಆಕೆಯ ಸಹೋದರ ಪೆನ್ ಕದ್ದಿದ್ದ (ನಕಲನ್ನು ತಯಾರಿಸಲು), ಆದರೆ ಅದು ಪ್ರೀತಿಯಿಂದ. ಈ ಪ್ರೀತಿ, ಆಕೆಯ AI ವಿಶ್ಲೇಷಣಾ ಮೆಟ್ರಿಕ್ಸ್ನಲ್ಲಿ ಕಳ್ಳತನ ಎಂದು ವರ್ಗೀಕರಣಗೊಂಡಿತ್ತು.
ಈ ಸೂಕ್ಷ್ಮ ದಾಖಲೆಗಳನ್ನು ನೋಡಿದ ನಂತರ, ಅನುಷಾಳ ಮನಸ್ಸಿನಲ್ಲಿ ಒಂದು ಹೊಸ ವ್ಯಸನ ಹುಟ್ಟಿತು. ಕಣ್ಗಾವಲು ವ್ಯಸನ (Surveillance Addiction). ಅವಳು ಇನ್ನು ಮುಂದೆ ತನ್ನ ಸುತ್ತಲಿನವರನ್ನು ನೇರವಾಗಿ ನಂಬುವ ಬದಲು, ಕ್ಯಾಮೆರಾಗಳ ಮೂಲಕ ಅವರ ಗುಪ್ತ ಭಾವನೆಗಳನ್ನು ತಿಳಿದುಕೊಳ್ಳಲು ಬಯಸಿದಳು. ಇದು ಆಕೆಗೆ ಒಂದು ರೀತಿಯ ಅಧಿಕಾರ ಮತ್ತು ನಿಯಂತ್ರಣದ ಭ್ರಮೆಯನ್ನು ನೀಡಿತು.
ಅನುಷಾ ತನ್ನ ತಾಯಿಯ ಬಳಿ ಮಾತನಾಡಲು ಹೋಗಲಿಲ್ಲ. ತಾಯಿ ತನ್ನನ್ನು ಎಷ್ಟು ಪ್ರೀತಿಸುತ್ತಾರೆ ಎಂದು ಡೇಟಾ ಮೂಲಕ ತಿಳಿದುಕೊಳ್ಳುವುದೇ ಆಕೆಗೆ ಹೆಚ್ಚು ಸುರಕ್ಷಿತವೆನಿಸಿತು.
ವಿಶ್ವಾಸ್ ಒಂದು ದಿನ ಟೆಕ್ ಹಬ್ಗೆ ಬಂದಾಗ, ಅನುಷಾ ಪರದೆಯ ಮೇಲೆ ತನ್ನ ಮನೆಯ ದೃಶ್ಯಗಳನ್ನು ಗುಟ್ಟಾಗಿ ನೋಡುತ್ತಿರುವುದನ್ನು ಗಮನಿಸಿದರು.
ವಿಶ್ವಾಸ್: "ಅನುಷಾ, ನಿಮ್ಮ ಕಣ್ಗಾವಲು ಹೊರಗಿನ ಲೋಕದಿಂದ ಒಳಬಂದ ಕಳ್ಳರನ್ನ ಹಿಡಿಯಲು ವಿನ್ಯಾಸಗೊಳಿಸಿದ್ದು. ಆದರೆ ನೀನೀಗ ನಿಮ್ಮದೇ ಮನೆಯವರ ವೈಯಕ್ತಿಕ ರಹಸ್ಯಗಳನ್ನು ಕದಿಯುತ್ತಿದ್ದೀಯ.
ಅನುಷಾ ಇದು ಕಳ್ಳತನವಲ್ಲ ಅಜ್ಜಾ. ಇದು ಕೇವಲ ಸತ್ಯದ ಸಂಪೂರ್ಣ ದೃಷ್ಟಿಕೋನ. ನನ್ನ ಕುಟುಂಬದವರು ನನ್ನನ್ನು ಪ್ರೀತಿಸುತ್ತಾರೆ ಎಂದು ಡೇಟಾ ತೋರಿಸುತ್ತಿದೆ.
ವಿಶ್ವಾಸ್ ಪ್ರೀತಿಯೇ ರಹಸ್ಯ ಅನುಷಾ. ಅದನ್ನು ಡೇಟಾದ ಮೂಲಕ ಅರಿತುಕೊಳ್ಳುವುದು *ಯಮಾನವೀಯತೆಯ ಕೊಲೆಗೆ ಸಮ. ನಂಬಿಕೆಯ ಯುಗದಲ್ಲಿ, ರಹಸ್ಯಗಳನ್ನು ಗೌರವಿಸಲಾಗುತ್ತಿತ್ತು. ಈಗ, ಈ ಕ್ಯಾಮೆರಾಗಳು ನಿಮ್ಮ ಸುತ್ತಲಿನವರ ರಹಸ್ಯಗಳನ್ನು ಕದ್ದು, ನಿಮಗೆ ಸುರಕ್ಷತೆಯ ಸುಳ್ಳು ಭರವಸೆ ನೀಡುತ್ತಿವೆ.
ಈ ಮಾತು ಅನುಷಾಳ ಮನಸ್ಸನ್ನು ಕೊರೆಯಿತು. ಆಕೆಯ ತಂತ್ರಜ್ಞಾನ ಕೇವಲ ಕಳ್ಳರನ್ನು ಹಿಡಿಯಲಿಲ್ಲ, ಅದು ಗೌಪ್ಯತೆಯನ್ನು ಕದಿಯಲು ಮತ್ತು ಮಾನವೀಯ ಬಂಧಗಳನ್ನು ಕುಗ್ಗಿಸಲು ಶುರುಮಾಡಿತ್ತು. ವಿಶ್ವಾಸ್ನ ಮಾತುಗಳು ಮತ್ತು ಕುಟುಂಬದ ಪ್ರೀತಿಯ ದೃಶ್ಯಗಳು, ಆಕೆಯ 'ತಟಸ್ಥ ಬಿಂದು'ವಿನ ಪರಿಪೂರ್ಣತೆಯನ್ನು ಅಲುಗಾಡಿಸಲು ಶುರುಮಾಡಿದವು.
ಅನುಷಾಳಿಗೆ ತನ್ನ 'ತಟಸ್ಥ ಬಿಂದು' ತಂತ್ರಜ್ಞಾನವು ಕೇವಲ ಭದ್ರತಾ ದೃಶ್ಯಗಳನ್ನು ಮಾತ್ರವಲ್ಲ, ಭಾವನಾತ್ಮಕ ರಹಸ್ಯಗಳನ್ನು ಕೂಡ ದಾಖಲಿಸುತ್ತಿದೆ ಎಂದು ಅರಿವಾಯಿತು. ತನಗೆ ಮನೆಯವರಿಂದ ಸಿಗುತ್ತಿದ್ದ ಪ್ರೀತಿಯನ್ನು ಕ್ಯಾಮೆರಾದ ಪರದೆಯ ಮೂಲಕ ನೋಡುವ ತನ್ನದೇ ಹೊಸ ವ್ಯಸನದಿಂದ ಅವಳು ವಿಚಲಿತಳಾಗಿದ್ದಳು.
ಈ ನಡುವೆ, ಆಚಾರ್ಯ ವಿಶ್ವಾಸ್, ಹಳೆಯ ದಿನಗಳ ಕಥೆಗಳನ್ನು ಹುಡುಕುತ್ತಾ ಬ್ಯಾಂಕ್ ಕಟ್ಟಡದ ಕೆಳಗಿನ ಹಳೆಯ ಕಡತ ವಿಭಾಗಕ್ಕೆ ಭೇಟಿ ನೀಡಿದರು. ಗಣೇಶಪ್ಪನವರು ಆ ಕಟ್ಟಡವನ್ನು ಮಾರುವ ಮೊದಲು, ಹಳೆಯ ದಾಖಲೆಗಳನ್ನು ವಿಶ್ವಾಸ್ಗೆ ನೀಡಿದ್ದರು.
ವಿಶ್ವಾಸ್ ಬ್ಯಾಂಕ್ ದಾಖಲೆಗಳನ್ನು ತಿರುಗಿಸುತ್ತಿದ್ದಾಗ, ಅವರಿಗೆ ಒಂದು ಹಳೆಯ ಫೈಲ್ ಸಿಕ್ಕಿತು. ಅದು ರಾಜಪ್ಪ (ವ್ಯವಸ್ಥಾಪಕ) ಮತ್ತು ಗಣೇಶಪ್ಪನವರ ವಯಕ್ತಿಕ ಡೈರಿ ಮತ್ತು ಪತ್ರವ್ಯವಹಾರದ ಫೈಲ್. ಈ ಫೈಲ್, ಹಳೆಯ ಬೀಗದ ಯುಗದಲ್ಲಿ ಕೀಲಿಯ ಅಚ್ಚು ಕಳುವಾಗಿದ್ದ ಘಟನೆಯ ನಿಜವಾದ ರಹಸ್ಯವನ್ನು ಮರೆಮಾಚಿತ್ತು. ಗಣೇಶಪ್ಪನಿಗೆ ಕೀಲಿಯ ಅಚ್ಚು ಕಳುವಾದ ವಿಷಯ ತಿಳಿದಿತ್ತು, ಮತ್ತು ಅವರು ತಕ್ಷಣವೇ ರಾಜಪ್ಪನ ಮೇಲೆ ಅನುಮಾನ ವ್ಯಕ್ತಪಡಿಸಿ ಅವರನ್ನು ಕೆಲಸದಿಂದ ವಜಾ ಮಾಡಿದ್ದರು. ವಿಶ್ವಾಸ್ ಆ ಡೈರಿಯನ್ನು ಓದುತ್ತಾ ಹೋದಾಗ, ಆಘಾತಕಾರಿ ಸತ್ಯ ಬಯಲಾಯಿತು. ಕೀಲಿಯ ಅಚ್ಚು ಕಳುವಾಗುವ ಮೊದಲು, ರಾಜಪ್ಪನವರ ಮಗಳು ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದಳು. ರಾಜಪ್ಪನವರಿಗೆ ಹಣದ ತೀವ್ರ ಅವಶ್ಯಕತೆ ಇತ್ತು. ಆದರೆ ಅವರು ಬ್ಯಾಂಕಿನಲ್ಲಿ ಹಣ ಕದಿಯುವ ಬದಲು, ಮುಖ್ಯ ಖಜಾನೆಯ ಕೀಲಿಯ ಅಚ್ಚನ್ನು ತನ್ನ ಬಳಿ ಇಟ್ಟುಕೊಂಡಿದ್ದರು. ಅವರು ಅದನ್ನು ಕದಿಯುವ ಉದ್ದೇಶ ಹೊಂದಿರಲಿಲ್ಲ, ಬದಲಿಗೆ, ಗಣೇಶಪ್ಪನವರಿಗೆ ಒತ್ತಡ ಹಾಕಿ ಸಾಲ ಪಡೆಯಲು ಬಯಸಿದ್ದರು.
ಕೀಲಿಯ ಅಚ್ಚು, ಕಳ್ಳತನಕ್ಕೆ ಬೇಕಾದ ಸಾಧನವಾಗಿರಲಿಲ್ಲ. ಅದು ವಿಶ್ವಾಸ ಕಳೆದುಕೊಂಡ ವ್ಯಕ್ತಿಯು, ತನ್ನ ಪ್ರೀತಿಪಾತ್ರರನ್ನು ಉಳಿಸಲು ಹತಾಶೆಯಿಂದ ಮಾಡಿದ 'ಭದ್ರತೆಯ ಒತ್ತೆ ಇಡುವಿಕೆ'ಯಾಗಿತ್ತು.
ಗಣೇಶಪ್ಪನವರು, ರಾಜಪ್ಪನ ಮಗಳ ಆರೋಗ್ಯದ ವಿಷಯ ತಿಳಿದಿದ್ದರೂ, ತಮ್ಮ ಬೀಗದ ಮೇಲಿನ ನಂಬಿಕೆಯನ್ನು ಉಳಿಸಿಕೊಳ್ಳಲು, ರಾಜಪ್ಪನವರ ಹತಾಶೆಯನ್ನು ನಿರ್ಲಕ್ಷಿಸಿ ಅವರನ್ನು ವಜಾ ಮಾಡಿದ್ದರು. ಆದರೆ ಆಗ ಅವರಿಗೆ ಯು ಮಾನವೀಯತೆಯು ಬೀಗಕ್ಕಿಂತ ಮುಖ್ಯವೆಂದು ಅನಿಸಿರಲಿಲ್ಲ. ಅಂದರೆ, ಬೀಗದ ಯುಗದಲ್ಲಿ ಆದ ಎಲ್ಲಾ ಗೊಂದಲಕ್ಕೂ, ಕೀಲಿಯ ಕಳ್ಳತನವೇ ಕಾರಣವಾಗಿರಲಿಲ್ಲ. ಕೇವಲ ಸಂಬಂಧಗಳ ಮೇಲೆ ಇರಬೇಕಾದ ನಂಬಿಕೆಯನ್ನು ಕಳೆದುಕೊಂಡು, ಕಬ್ಬಿಣದ ಬೀಗದ ಮೇಲೆ ಅವಲಂಬಿಸಿದ ಕಾರಣವೇ ಎಲ್ಲ ದುರಂತಗಳಿಗೆ ಕಾರಣವಾಗಿತ್ತು.
ವಿಶ್ವಾಸ್ ಈ ಸತ್ಯವನ್ನು ಅರಿತು ಅನುಷಾಳ ಬಳಿ ಬಂದರು.
ವಿಶ್ವಾಸ್: "ಅನುಷಾ, ಬೀಗದ ಯುಗದಲ್ಲಿ, ಒಂದು ಚಿಕ್ಕ ಕೀಲಿಯ ಅಚ್ಚು ಇಡೀ ಹಳ್ಳಿಯ ಜನರನ್ನು ವಿಭಜಿಸಿತು. ಈಗ ನಿಮ್ಮ ಕ್ಯಾಮೆರಾಗಳು ಏನು ಮಾಡುತ್ತಿವೆ? ನಿಮ್ಮ AI ನಿಂದ ನಿಮ್ಮ ಸಹೋದರ ಕೇವಲ ಕಳ್ಳನಾಗಿ ಕಾಣುತ್ತಾನೆ. ಆದರೆ ಸತ್ಯ ಏನೆಂದರೆ, ಅವನ ಕೃತ್ಯದ ಹಿಂದೆ ಪ್ರೇಮ ಇತ್ತು. ಅದು ನಿಮ್ಮ ಕ್ಯಾಮೆರಾಗಳಿಗೆ ದಾಖಲಾಗುವುದಿಲ್ಲ.
ಅನುಷಾ ತಕ್ಷಣವೇ ಸಂದೀಪ್ನ ಬಳಿಗೆ ಹೋಗಿ, ಪೆನ್ ಕಳುವಿನ ಬಗ್ಗೆ ವಿಚಾರಿಸಬೇಕು ಎಂದು ನಿರ್ಧರಿಸಿದಳು. ಅವಳು ತನ್ನ AI ವರದಿಯನ್ನು ನೋಡಿದಳು ಸಂದೀಪ್ ಶೇ. 70ರಷ್ಟು ಅನುಮಾನಾಸ್ಪದ. ಅನುಷಾ ಕೊನೆಗೂ ಸಂದೀಪ್ನನ್ನು ಕರೆದು, ಕಠಿಣ ಮಾತುಗಳಿಂದ ಅವನನ್ನು ಪ್ರಶ್ನಿಸಿದಳು.
ಅನುಷಾ: "ಸಂದೀಪ್, ನನ್ನ ಪೆನ್ ಕಳುವಾದ ದೃಶ್ಯದಲ್ಲಿ ನೀನು ಜೇಬಿನಲ್ಲಿ ಏನೋ ಇಟ್ಟುಕೊಳ್ಳುವುದು ದಾಖಲಾಗಿದೆ. ಸತ್ಯ ಹೇಳು.
ಸಂದೀಪ್ ದುಃಖದಿಂದ ನಕ್ಕು, ತನ್ನ ಜೇಬಿನಿಂದ ಒಂದು ಮಡಿಚಿದ ಕಾಗದ ಹೊರತೆಗೆದ. ಹೌದು ಅನುಷಾ, ನಾನೇ ತೆಗೆದಿದ್ದು. ಆದರೆ ಪೆನ್ನನ್ನಲ್ಲ. ನೀನು ಹಿಂದಿನ ದಿನ ಒತ್ತಡದಲ್ಲಿ ಕೆಲಸ ಮಾಡುತ್ತಿದ್ದಾಗ, ನಿಮ್ಮ ಪೆನ್ನಿಂದ ಬರೆದು ಬಿಟ್ಟಿದ್ದ ನಿನ್ನದೇ ಕೈಬರಹದ ಒಂದು ಪದ್ಯದ ತುಣುಕು.
ಸಂದೀಪ್ ಆ ಕಾಗದವನ್ನು ತೋರಿಸಿದ. ಅದರಲ್ಲಿ ಅನುಷಾ ತನ್ನ ಒತ್ತಡವನ್ನು ಮರೆತು ಬರೆದಿದ್ದ ಕೇವಲ ನಾಲ್ಕು ಸಾಲುಗಳ ಸುಂದರ ಪದ್ಯ ಇತ್ತು.
ಸಂದೀಪ್: "ನಾನು ನಿನ್ನ ಪೆನ್ನನ್ನಲ್ಲ, ನಿನ್ನ ಭಾವನೆಗಳನ್ನು ಕದ್ದೆ. ನನಗೆ ಗೊತ್ತು ನೀನು ನನ್ನ ಮೇಲೆ ಅನುಮಾನ ಪಡುತ್ತೀಯ ಎಂದು. ಆದರೂ, ನನಗೆ ನಿನ್ನ ಈ ಮರೆಮಾಚಿದ ಮಾನವೀಯ ಸ್ಪರ್ಶ ನನಗೆ ಮುಖ್ಯವಾಗಿತ್ತು. ನಿನ್ನ ಕಚೇರಿಯಲ್ಲಿ ಎಲ್ಲರೂ ಯಂತ್ರಗಳಾಗಿ ಕೆಲಸ ಮಾಡುತ್ತಿದ್ದಾರೆ. ನನಗೆ ನಿನ್ನಲ್ಲಿರುವ ಭಾವನೆಯ ಕುರುಹು ಬೇಕಾಗಿತ್ತು. ಕ್ಯಾಮೆರಾ ದೃಶ್ಯವನ್ನು ದಾಖಲಿಸಿತ್ತು, ಆದರೆ ತಂತ್ರಜ್ಞಾನವು ಕಾಗದದ ತುಂಡನ್ನು ಕದ್ದಿದ್ದನ್ನು ಪೆನ್ ಕದ್ದಿರುವುದು ಎಂದು ತಪ್ಪಾಗಿ ವಿಶ್ಲೇಷಿಸಿತ್ತು.
ಅನುಷಾಳಿಗೆ ಮತ್ತೊಮ್ಮೆ ತಂತ್ರಜ್ಞಾನದ ಸೋಲು ಅರಿವಾಯಿತು. AI, ಕೇವಲ ಭೌತಿಕ ಚಲನೆಗಳನ್ನು ಮಾತ್ರ ದಾಖಲಿಸಬಲ್ಲದು, ಆದರೆ ಅದರ ಹಿಂದಿರುವ ಪ್ರೀತಿಯ ಉದ್ದೇಶವನ್ನು ದಾಖಲಿಸಲಾರದು. ಬೀಗದ ಯುಗದಲ್ಲಿ ಪ್ರೀತಿಯ ಹತಾಶೆ ಇದ್ದಂತೆ, ಕ್ಯಾಮೆರಾದ ಯುಗದಲ್ಲಿ ಪ್ರೀತಿಯ ಹಂಬಲ ಕಳ್ಳತನಕ್ಕೆ ಕಾರಣವಾಯಿತು.
ಮುಂದುವರೆಯುವುದು
