ભાગ - ૧૩
ભાગ - ૧૨ ક્રમશ: ......
મીનાબહેન અનુનો ઉદાસ ચહેરો ઉપરની રૂમમાં બારી પાસે બેઠાં બેઠાં જોઈ રહ્યાં હતાં . એ સમજી ગયા હતાં મેરીક હજુ સાથે છે એટલે એ છોકરા સાથે કોઈ મુલાકાત નહીં થઈ હોય . તે ઉતાવળા પગલે નીચે આવી દરવાજો ખોલે છે .
અનુ થોડી સ્માઈલ આપી કશું બોલ્યાં વગર અંદર આવે છે . અને ડાઇનિંગ ટેબલ પર બેસી જાય છે .
મીનાબેન દરવાજો બંધ કરી અનુ અને મેરીક માટે લંચ તૈયાર કરતા કરતા : " શું થયું દિકા ,,, કેમ આમ ઉદાસ થઈ ગઈ ???? એ છોકરો મળી જશે ઉપાડી ન કર . "
અનુ મીનાબેન સામે જોઈ : " સવાલ એનો નથી મોમ . "
મીનાબેન : " અચ્છા તો શું વાત છે આખી મને જણાવ . આમ ઉદાસ ન થઈ રહે . "
અનુ કશું બોલવાં જાય એ પહેલાં દરવાજા પર બેલ વાગે છે ....
મીનાબેન , " અત્યારે કોણ હશે ??? "
બબડતાં બબડતાં તે દરવાજો ખોલે છે . સામે એક યંગ છોકરો , એક કપલ , એક કોર્ટ પહેરેલી પ્રોફેશનલ ઓફિસર અને એનો એક કર્મચારી ઊભા હતાં .
અનુની નજર ત્યાં પડે છે અને એ છોકરાને જોઈ તેની આંખ પહોળી થઈ જાય છે .
" એ કપલ .... એ સ્ત્રી ,,, અરે .... !!! આ તો આજ જ મેં જોઈ હતી આ મિસિસને . અને આ છોકરો .... સોરી શું નામ હતું ??? અવિ હા .... આ બધાં અહીં .... ???? !!!!! " - વિચારમાં ને વિચારમાં થોડી વાર માટે અનુના શ્વાસ મિનિટ ભુલી જાય છે .
મીનાબેન ચોંકીને : " અ ... તમે કોણ ??? અહીં કોનું કામ છે ???? "
એ બ્લેઝર પહેરેલી ઓફિસર કડક અદા સાથે : " અમે પ્રાણીઓની રેસ્ક્યુ ઓફિસથી આવ્યાં છીએ . "
મીનાબેન અનુને સાદ કરે છે . પણ અનુ જાણે સામે આવવાં માંગતી જ ન હતી . તેને ખુબ શરમ આવતી હતી તેનાં કરેલાં પર . તે જૂઠ બોલી ???
શું વિચારશે હવે એ લોકો ????
કઈ નજરે જોશે હવે તે અનુ સામે ???
મીનાબેનના કેટલાં બધાં સાદ બાદ પણ અનુ બહાર આવતી નથી . એટલે મીનાબેન બધાંને અંદર લઈ આવે છે અને બેઠક પર બેસવા કહે છે .
મીનાબેન સગડી ચાલુ કરે છે અને અનુને બોલાવવા જાય છે .
સગડીનાં તાપથી બધાને થોડી હુંફ મળી . અવિનાશ ચારે બાજુ નજર કરી આખા ઘરને નોટ કરતો હોય છે .
ઘરનું બાંધકામ પુરા પ્લાનિંગ સાથે થયુ હતું . કદાચ બધું વ્યવસ્થિત રીતે ગોઠવણી કરી , વિચારીને મકાનની ડિઝાઈન બનાવવામાં આવી હશે .
અવિનાશની નજર એકાએક દિવાલ પર લટકતા એક ફોટો ફ્રેમ પર પડે છે .
તેનાં મોંઢા માંથી નીકળી પડે છે , " ઓહ્ નો ..... "
બધાંની નજર અને ધ્યાન અવિનાશ તરફ ખેંચાઈને સ્થિર થાય છે .
ટીના અવિને ચોંકેલો જોઈ : " શું થયુ અવિ ??? કેમ આમ ચોંકીને ચોંટી ગયો છો ... ???? "
અવિ એ ફોટો ફ્રેમ તરફ આંગળી ચીંધતા : " આ છોકરી .... અને તો મેં જોઈ છે ... "
બધાંની નજર હવે અવિ પરથી હટીને એ દિવાલ પર લટકતા ફોટો ફ્રેમ પર હતી .
ટીનાની આંખો પણ અવાક રહી જાય છે ... તે ઊભી થઈ બોલી ઊઠે છે , " તો તું હમણાં મને આ છોકરીની વાત કરતો હતો . માર્કેટમાં મળી હતી એ ... ???? "
અવિ હસીને ટીનાની વાત સાથે સહમત થતાં : " હા જ તો , આ કેટલો મોટો કોઈનસિડેન્સ છે યાર ... "
પણ ટીનાનાં ચહેરાનાં ભાવ બદલાઈ ગયાં હતાં . તેનાં ચહેરાં પર સ્મિત નહીં પણ ગુસ્સો હતો .
ટીના કડક શબ્દોમાં : " હા , બહુ મોટો કોઈનસિડેન્સ ..... "
ટીનાનાં બદલાયેલા અવાજ પર મિહિર અને અવિની નજર પડે છે . તે એકીટસે એ છોકરી સામે જોઈ રહી હતી .
મિહિર ટીનાને જોઈ : " શું થયું તને ??? કેમ આમ બોલે છે !!!!! ????? "
********
ક્રમશઃ ......
