కోమలా ! నీ పేరు ....”
“ కోమలా అని పిలుస్తూ పేరు అడుగుతారేమిటి అత్తయ్యా ?” విద్యా మాట్లాడేది
గ్రామీణ రాజస్థానీ కాదు ---స్వచ్చమైన హిందీ . తను హిందీ మాట్లాడ గలదు .
అత్తయ్య కూడా భాష మార్చింది .”
“జన్మ మారితే పేరు కూడా మారాలిగా ? ఆమె
గలగలా నవ్వింది .
“ మారింది...... విద్యాధరి .”
విద్యాధర . పేరుకు తగ్గట్టే బాగా
చదువుకున్నావు . కోమలాదేవి లా అమాయకురాలివి కావు . ఆ జన్మ లో నా మనవడికి అమ్మ లా
ప్రేమ నందించావు .
ఈ జన్మలో ప్రేమతో పాటు బుద్ధి , ఓర్పు నేర్పాలి . ప్రతిదానికి చిన్న
పిల్లాడిలా అలుగుతాడు . కోపం తెచ్చుకుంటాడు .
ఇంకా అప్పటి పసితనం పోలేదు .మనవడిని మురిపెం గా చూసింది .
“ నన్ను మరీ తీసేయకు !
అమ్మకు నా గురించి పూర్తిగా తెలుసు . నిజానికి ప్రతి చిన్న విషయానికి చిన్న
పిల్లలా అలిగేది నువ్వే ! నువ్వు అలిగి
కొండ ఎక్కా వంటే దించటం చాలా కష్టం . “
ఆ మాటల తీరుకు ముగ్గురూ నవ్వుకున్నారు . రాహుల్ భార్య వారిని వినోదం గా చూసింది
. తన భర్త గుండెల్లో బరువు దిగి ఆనందం గా నవ్వటం ఆమెకు పెద్ద రిలీఫ్ .
“ నన్ను క్షమించండి అత్తయ్యా ! “
విద్యా ఆమె పాదాలు తాకింది . గొంతు వణికింది .
“ నీ కన్నీటి లో నువ్వు చేసిన తప్పు ఆనవాలు లేకుండా కరిగి పోయింది . నీకు ఎవరి
క్షమాపణ అక్కరలేదు . ఇప్పుడు నువ్వు రెండు జన్మల వారధివి . మాకు కోమలవు . నా
మనవడికి యశోదమ్మవు . ఈ జన్మలో విద్యాధరివి . ఒకింటి కోడలివి . ఈ రెండు బాధ్యతలు రెండు పడవలపై ప్రయాణం లాంటివి
. ఏదీ హద్దు మీరకూడదు . ఎవరి మనసు కష్ట పెట్టకూడదు . ఈ రెండింటినీ చక్క గా
నిర్వహించగల నేర్పు, ఓర్పు నీలో ఉన్నాయి . ఇదో అద్భుతం ! భగవంతుడి
సంకల్పం . ´విద్యా తల నిమురుతూ ఉండి పోయింది .
కో మలకు ముసలావిడ దీవెనలు , చల్లటి మాటలు, స్పర్శ కొండంత బలాన్ని, పరిపూర్ణమైన శాంతిని
ఇవ్వగలిగాయి . ఆమె విద్యాధరిలో ప్రశాంతం
గా ఒదిగిపోయింది . కోమల -విద్యా- రెండు విభిన్న వ్యక్తిత్వాలు ‘ శృతి పక్వంగా ఒకే గుండె చప్పుడు తో , ఒకే
చై తన్యం తో, ఒకే మేధస్సు తో , ఆలోచించగలవు .
అద్భుతాలు ఆవిష్కరించగలవు . ఈ అపూర్వ
‘సంగమం’
కోసమే విద్యా లోని కోమల ముసలావిడను కలవాలని భరత్ రామ్ తొందర చేశాడు .ఇక విద్యా
లక్ష్యం వైపు దూసుకుపోగలదు .
‘ రూపాదేవి విద్యాధరిని తమకు అనుకూలంగా ఒప్పించటానికి హైదరాబాద్ వెళ్ళింది .
పిల్లలిద్దరూ జైపూర్ లో తమ్ముడు విజయ్ దగ్గర ఉన్నారు . తనిప్పుడు
అన్నివిధాల ఒంటరి . అవమానం, అసహనం , నిస్సహాయత, అన్నింటినీ మించి
చేసిన పాపానికి నిప్పులా గుండెను కాల్చేస్తున్న ‘పశ్చాత్తాపం ‘------ ప్రత్యక్ష
నరకం అం టే ఏమిటో క్షణక్షణం
అనుభవిస్తున్నాడు . మొదటిసారి జీవితం లో అజయ్ కు అనిపించింది ---వంశ గౌరవం, ఆస్తులు, అంతస్తులు అహాన్ని
రెచ్చగొట్టే మిధ్యా సంప్రదాయాలు ; ...
మానవాత్వం,
బంధం- అనుబంధాల ముందు ఇవన్నీ అర్థం లేని ఆర్భాటాలు . కోమల-రాహుల్ బంధం వీటన్నిటినీ జయించింది . అజయ్ విషాద యోగం
లో కొట్టుమిట్టాడు తున్నాడు . మానసిక బలం
ముందు పశు బలం నిలవలేదు . వీగిపోతుంది . ఈ సత్యం
జీవితం లో చాలా పోగొట్టుకున్నాక అజయ్ సింహ అనుభవం లోకి వచ్చింది . ఈ మార్పు
అడవి కాచిన వెన్నెల .ఈ రోజు సాయంత్రం అయిస్వర్యాదేవి ---తమ కులదేవత గుడి ముందు ఆధ్యాత్మిక సభ
జరగబోతోంది . అందుకు ఏర్పాట్లు జరుగుతున్నాయి . తనకూ ప్రత్యేక ఆహ్వానం అందింది . ఆధ్యాత్మిక
ప్రసంగం చేసేది హీరాలాల్ . జమునాబాయి
కొడుకు -ప్రస్తుతం అఘోరి .
మరో సంధర్భం లో అయితే ఈ కార్యక్రమాన్ని తను పట్టించుకునేవాడు కాడు .
అతడు అఘోరి కావచ్చు . కానీ—తన దృష్టి లో జమునాబాయి కొడుకు అతి సామాన్యుడు .
అతడు ‘గురుస్థానం లో ‘ తనకు బోధ చేయటమా ?
కానీ – ఇప్పటి పరిస్థితి వేరు . మానసిక స్థితి వేరు . తనకు ఓదార్పు కావాలి.
ఉపశమనం కావాలి . మంచిమార్గం లో ఋజుమార్గం చూపే ‘గురువు’ కావాలి .
అతడు ఎవరైనా పర్వాలేదు . అతడి వల్ల మేలు జరిగితే చాలు . సభకు వెళ్లాలని అజయ్
నిర్ణయించుకున్నాడు .
గుడిముందు పాలరాతి వేదిక ఉంది . ఆ వేదిక్ పై
షామియానా వేశారు . వేదిక ముందు కూర్చోటానికి పట్టాలు పరచారు . అందరూ వాటి
పైనే కూర్చున్నారు .
నిర్వాహకులు ఒక పక్క కుర్చీ వేసి అజయ్ ను
ఆహ్వానించారు . వారి ఆహ్వానాన్ని మృదువుగా తిరస్కరించి తనూ అందరితో పాటు ముందు
వరుసలో పట్ట మీద కూర్చున్నాడు . ఈ మార్పు అందరినీ ఆశ్చర్య పరచింది . ఇలా
నలుగురి లో ఏ భేషజం లేకుండా కలిసి పోయేది విక్రం సింహ్. మళ్ళీ పాతికేళ్ళ తర్వాత
అజయ్ లో అదే వినయం .
అప్పటికే అఘోరి ఉపన్యాసం ఆరంభించి పావుగంట అయింది . అజయ్
వచ్చేసరికి
ఉపోద్ఘాతం పూర్తయింది .
అజయ్ ను అఘోరి ఒక్క క్షణం చూశాడు . ఆ చూపుల్లో శక్తి అజయ్ ను కలవర పెట్టింది తలవంచుకున్నాడు .
అఘోరి వాగ్ధార గంగా ప్రవాహం లా సాగింది . విషయం ఎంత ఉన్నతమైందో వ్యక్తం చేసే
భాష కూడా అదే స్థాయి లో ఉంది . ఎక్కడా తొట్రుపాటు లేదు . తికమక లేదు . అతడలా
చెబుతుంటే భావం సూటిగా గుండె ను తాకుతోంది
. ‘ హీరాలాల్ ఎప్పుడు ఇంత ప్రావీణ్యం సంపాదించాడు . ఆశ్చర్యం వేసింది అజయ్ కు .
ఆసాంతం
శ్రద్ధ గా విన్నాడు . ఇలాంటి
ఆధ్యాత్మిక ఉపన్యాసాలు ఇంతవరకు వినలేదు . మనసు కాస్త తేలిక పడింది .
మొదటిసారి అతడిలో పాజిటివ్ ఎనర్జీ .
సభ ముగిసింది . అఘోరి అజయ్ దగ్గరకు చేరాడు .
‘అజయ్ బాబు ! రేపు ఉదయం పూజకు
వస్తున్నాను . ఏర్పాట్లు చూడండి . రేపు అక్కడే అన్ని విషయాలు మాట్లాడుకుందాము . “
అజయ్ తల ఊపాడు . తన తో ఏం మాట్లాడుతాడో ?
ఏదైనా కారణం ఉంటుందా ‘?”అర్థం కాలేదు .
******************************
కొనసాగించండి 38లో
