ఎదురుగ ఉన్న
అపరిచిత వ్యక్తుల్ని ప్రశ్నార్థకం గా చూశాడు భరత్ రామ్ .
“ జస్వంత్,
జర్నలిస్ట్,
...హి ఈజ్ రాహుల్.”
మర్యాద పూర్వకం గా చేయి కలిపాడు .
భరత్ రామ్ కళ్ళలో మెరిసిన ఆశ్చర్యం;
జస్వంత్ , రాహుల్ కూర్చున్నారు .
“జస్వంత్ ! చెప్పండి. “
జస్వంత్ విద్యాధరి డైరీ టేబుల్ పై ఉంచాడు .
“ఈ డైరీ.....?
“ విద్యాధరి గారిది . మీరు దిగిన లాడ్జ్ రూము లో వార్డ్ రోబ్ పై అరలో
కనిపించింది .”
ఈ ఆయుధం తో నే ఇంత సంచలనం సృష్టించారు కదూ .?”
జస్వంత్ జవాబు.....చిరునవ్వు
“ ఈ డైరీ చదవాలని మీకు ఎందుకు అనిపించింది . ...It reflects the mind
of a lady….her sensitive feelings and thoughts.
..ఒకరి
డైరీ చదవటం సంస్కారం కాదు . ..కానీ ముత్యాల సరాల్లాంటి అక్షరాలూ , భాష నన్ను
చదివించాయి . రెండు పేజీలు చదవగానే విద్యాధరి మానసిక స్థితి అర్థమై పోయింది .
తర్వాత ఆగలేక పోయాను .పూర్తిగా చదివాను . నాలో జర్నలిస్ట్ , మనిషి---ఇద్దరూ సమాన
స్థాయి లో కదిలి పోయారు . ఆ క్షణమే నిశ్చయించుకున్నాను .---కోమలాదేవికి సామాజిక న్యాయం జరగాలి. అప్పుడే విద్యాధరి తన
సమస్య నుండి బయట పడుతుంది . నా ఊహకు అందినంత వరకు
కోమల ..సమస్య----విద్యాధరి సమాధానం. డైరీ చదివితే మీకు క్లారిటీ వస్తుంది .”
“అంత అవసరం లేదు. నాలుగు రోజుల క్రితం విద్యాధరి ఫోను చేసింది . తన మానసికస్థితి
గురించి వివరం గా చెప్పింది . మీరు చెప్పింది నిజం . కోమల సమస్య ; విద్యా సమాధానం.
కోమల శాంతిస్తేనే విద్యా తన సమస్య నుండి బయట పడుతుంది .”
“ఈ క్లారిటీ కోసమే మిమ్మల్ని కలిసింది “
“రాహుల్ ! జస్వంత్ జీ ని ఎందుకు కలవాలనిపించింది .?”
“తన ఆర్టికల్ చదివిన తర్వాత జస్వంత్ జీ investigative
journalist అని అర్థమైంది .’కొసమెరుపు’ తో ఆయన లక్ష్యమేమిటో తెలిసింది . మా ఇద్దరి లక్ష్యం
ఒకటే . అందుకే కలిశాను .
“you have met the right person. …జన్మ మారినా మీ అమ్మ నిన్ను మరిచి పోలేదు . ఆమె
పునర్జన్మ నీకు వరం. ఆమెలో అమ్మను కదిలించు . ఆపై జరగవలసింది ఎవరూ ఆపలేరు ....మీ
చిన్నాన్న కూడా . “
“డాక్టర్ ! మీరు త్వరలో నే విద్యాధరిని కలవబోతున్నారు కదా ?”
“ కలుస్తాను. ఆ తర్వాతే మీ plan of action
ready చేసుకోండి. నిజం చెప్పాలంటే ఈ
పరిస్థితి విద్యా కు ఓ ఛాలెంజ్ . అజయ్
లాంటి రాక్షసుడిని చట్టమనే చట్రం లో ఎలా
బిగించాలి ? Really a uphill task .
నేనొక డాక్టర్ ని .
వృత్తి రీత్యా నాది మృదు స్వభావం. రాహుల్ లెక్చరర్ . మా ఇద్దరి లో దాదాపు స్వభావం
ఒకటే . అజయ్ లాంటి అహంభావిని, మొండివాడిని ఎలా మన దారికి తీసుకు రావాలి . విద్యా
నాకు ఫోన్ చేసిన క్షణం నుంచీ తీవ్రం గా ఆలోచిస్తున్నాను. మీ రంగ ప్రవేశం నాకు
కొండంత రిలీఫ్ . ! నేను నాస్తిక వాదిని
కాను. కానీ---విధి, కాల ప్రభావం లాంటివి నమ్మను . ఇప్పుడు ఈ సంధర్భం లో
నమ్మి తీరాలి . ..తప్పదు . మీ లాంటి INVESTIGATIVE
JOURNALIST కు డైరీ దొరకటం విధి అనవచ్చా ? ఇలా
జరగాలి అన్న సూత్రం పైనే ఈ అద్భుతం జరిగింది. U are the right person
to tackle vidyaa’s issue. Chain of these incidents చూస్తుంటే కోమల
పునర్జన్మకు బలమైన కారణముంది అనిపిస్తుంది . ఇది అనివార్య ఘటన .” భరత్ రామ్
విశ్లేషణ .
“ సర్! మీకు అభ్యంతరం లేకుంటే రెండు , మూడు రోజుల తర్వాత విద్యాధరిని
కలవాలనుకుంటున్నాను . కొంత గ్రౌండ్ వర్క్ రెడీ చేసుకోవాలి. ”
“ తప్పకుండా ! మీ ప్రయత్నం లో
మీరుండండి . మీరు ముఖ్యం గా విద్యా భర్త సాగర్ ను కలవాలి . అతడో సగటు మనిషి . అంత
తేలిగ్గా మీ ప్రపోజల్ ను ఒప్పుకోడు . చాల భయస్తుడు. విద్యా పై ఈగ వా లనివ్వడు . మీ
ప్రయత్నం లో రాహుల్ మీకు కాటలిస్ట్ . మీ ఇద్దరు చేయి కలిపితే సాధించటం సులభం. “
తన ప్రయత్నానికి ఒక చక్కటి మార్గం ఇంత
త్వరగా ఏర్పడినందుకు జస్వంత్ తృప్తిగా నిట్టూర్చాడు .
“ ముందు సాగర్ కు ఓ షాక్ ట్రీట్మెంట్ ఇవ్వాలి. ఇదిగో నెంబర్ . హైదరాబాద్ కు
ఫోన్ చేయి “
“ నేనా ! “ రాహుల్ కంగారు .
“నువ్వే ! జరగబోయే నాటకానికి
సూత్రధారి , ప్రధాన సూత్రధారి . _ రెండూ నువ్వే . నేను , భరత్ రామ్ తెర వెనుక
వ్యక్తులం ... కమాన్ ! కాల్ చేయి .”
తప్పదన్నట్లు కాల్ చేశాడు రాహుల్ .
“ హలో ! సాగర్ స్పీకింగ్>” గొంతు లో సౌమ్యత .
“సర్ !-----గుడ్ ఈవెనింగ్ .! రాహుల్ స్పీకింగ్ “ అవతల క్షణం నిశ్శబ్దం .
“ ఎందుకు ఫోన్ చేశారు ? ఈ నెంబర్ ఎలా తెలిసింది ?” ఈసారి గొంతులో అసహనం.
“ మీతో మాట్లాడాలి సాగర్ గారు .”
“ నాతో ఏం మాట్లాడుతారు ? మీతో మాట్లాడే అవసరం నాకు లేదు . “ విసురుగా రిసీవర్
పెట్టిన చప్పుడు . రాహుల్ జస్వంత్ ను నిస్సహాయం గా చూశాడు .
“ ఇలాంటి ఎదురు దెబ్బలు తప్పవు . మళ్ళీ ట్రై చేయి .
రాహుల్ గొంతు వినిపించగానే సాగర్ రిసీవర్ పెట్ట బోయాడు .
“సాగర్ గారు ! క్షణం ఆగండి ! ....... విద్యాధర గారి సమస్య ఏంటో మీకు తెలుసు
.”
“ మీకెలా తెలుసు.”?
“ సతి పై ఆర్టికల్ రాసిన జస్వంత్ గారిని నేను కలిశాను . ఆయన కు మీరు దిగిన
లాడ్జ్ లో విద్యాధర గారి డైరీ దొ రికింది . “.......ఒకరి డైరీ చదవటం సభ్యత
కాక పోయినా ఆయన చదివారు . కోమలా దేవి పునర్జన్మ వివరాలు తెలుసుకొని
ఆర్టికల్ రాశారు . మమ్మలిని రచ్చ కీడ్చారు . ఇప్పుడు ఫోన్ చేసి ఆమె సమస్య పై
సలహాలు ఇవ్వాలనుకుంటున్నారు . మా వ్యక్తిగత విషయాల్లో జోక్యం చేసుకోవటానికి ఆయన ఎవరు ? ముందాయనకు ఫోన్ ఇవ్వండి .”
“ హలో! సాగర్ గారు ! కోపం
తెచ్చుకోవద్దు . మీ శ్రీమతి గారి డైరీ చదవటం సభ్యత కాదని నాకూ తెలుసు . కానీ—డైరీ
చదవటం వల్లే నాకు సమస్య అర్థమైంది . సతి పై ఆర్టికల్ రాసింది మిమ్మలిని ఇబ్బంది
పెట్టాలని కాదు . నా లక్ష్యం అజయ్ సింహ్ . అంతే
కాని-----విధ్యాధరి కాదు . ఇప్పుడు మీకు ఫోన్ చేసింది మీకో ముఖ్యమైన విషయం
చెప్పాలని ; విద్యాధరి సమస్య ఇంకా పూర్తిగా పరిష్కారం కాలేదు . మీరు మరోసారి భరత్
రామ్ ను కలవాలి .విద్యాధరి గారికి కౌన్సిలింగ్
అవసరం.
ప్లీజ్ ! నన్ను అర్థం చేసుకోండి .!
డైరీ మీ అడ్రెస్ కు పంపాను . Once again Iam extremely sorry !”
“ఇట్సాల్ రైట్ “ విసురుగా రిసీవర్ పెట్టిన చప్పుడు .
“ఏమన్నాడు”?
“ఏమంటాడు ? చేసిన అధిక ప్రసంగం చాలు ---నోరు మూసుకోండి . అన్నాడు .”
జస్వంత్ నవ్వాడు . రాహుల్ శృతి కలిపాడు .
“ మరి ----- ఈ సీమ టపాకాయ ను tackle చేయటం ఎలా ? మీ మాట వింటేనే భగ్గుమంటు న్నాడు .”
“ అతడికి విద్యాధరి సమస్య పై క్లియర్ అయిడియా లేదు . అందువల్లే అతడికి మన
అవసరం తెలీదు . భరత్ రామ్ చెబితేనే వింటాడు . అప్పుడు తనే మనల్ని పిలుస్తాడు
.ఎనీవే ! ఆ సీమ టపాకాయను మరోసారి
కదిలించాలి . రేపే మన హైదరాబాద్ ప్రయాణం. మరో జన్మ ఎత్తిన మీ అమ్మను నువ్వు చూసేది
రేపే “
రాహుల్ కళ్ళు కుతూహలం తో , ఆనందం తో
మెరిశాయి .
