□●□ કોઈ કોડભરી આંખોનાં સપનાં આશુઓમા
વહાવી દેવા એનાંથી મોટું કોઈ પાપ નથી.
□●□ જ્યારે કોઈએ કરેલા ત્યાગ અને બલિદાનની કદર
નથી થતી ત્યારે ત્યાગ કરનારનાં હ્રદયમાં ,જીવનમાં
આ ઉપેક્ષા નાસૂર બની જાય છે.
□●□ સત્ય ક્યારેય અંતિમ ન હોય,સમય અને સંજોગ
અનુસાર સત્ય બદલાતું રહે.
□●□ સતત પોતાની ઈચ્છાઓ સાથે સમાધાન કરીને
વ્યક્તિ પોતે પણ ખુશ ન રહી શકે અને પોતાની
આસપાસનાં લોકોને પણ ખુશ ન રાખી શકે.
□●□ કોઈ વ્યક્તિ પોતાના સંતાનો સિવાય કોઈને
સમગ્ર પણે ન ચાહી શકે.
□●□ એક સ્ત્રીને જ્યારે સબંધ અને સ્વાભિમાનમાંથી
એકની પસંદગી કરવાની આવે તો એ હંમેશા સબંધ
પસંદ કરે છે,અને પછી ચાલું થાય સબંધમાં સ્વને
ખોજવાની મથામણ અને સ્વને ખોવાનો તરફડાટ.
□●□ લાગણી પર જ્યારે વારંવાર પ્રહાર થાય છે,
ત્યારે માણસની સંવેદના બુઠી થઈ જાય છે.
□●□ તમારી હયાતી કોઈનાં હ્રદયમાં પગલાં નથી
પાડી શકતી,તો તમારી ગેરહાજરીથી પણ
કોઈ ફરક નથી પડતો.સમય બરબાદ કર્યા
વિના પાછા વળી જવું.
□●□ "પોતાનાં" ઓ પર વાર કરવા ઉગામેલું હથિયાર
સૌથી વધું ખુદને ચોટ આપે છે.
□●□ ક્યારેક ખુદનો એકડો ઘુટવામાં બીજા અક્ષર સાવ
ઝાંખા પડીને ભુસાઈ જાય....પછી રહે ખાલી
એકડો .
□●□ જ્યારે સપનાં અને સબંધ વચ્ચે ખેંચતાણ થાય છે
ત્યારે ન સપનાં ન સબંધ સચવાય છે.
□●□ નાનપણની મૈત્રી ખરા અર્થની મૈત્રી,તેમાં કોઈ
આવરણ વિના જેવા હોય તેવા રજુ થઈ શકાય.
ત્યારબાદ દરેક પડાવની મૈત્રીમાં દોસ્ત એકબીજાને
અનુકૂળ થવા થોડા બદલાઈ જ જાય.
□●□ લાગણી વિના તો કદાચ સબંધો ટકી પણ
જાય,માન સન્માન વિનાના સબંધો લાંબો
સમય ટકી શકતા નથી.
□●□પત્ની પર હજારો જોક્સ ભલે બનતા હોય,પણ
એક સ્ત્રી વિના પુરુષ વિખરાયેલ માળા જેવો હોય
છે.
□●□ ઘણીવાર મંઝિલ મેળવવાની ઉતાવળમાં રસ્તાનો
આનંદ ભુલાઈ જાય છે, અને મંઝિલ પર પહોંચ્યા
પછી વિતી ગયેલ ક્ષણોનો અફસોસ.
□●□ જિંદગીમાં દરેક દોસ્તનું આગવું સ્થાન હોય છે.
બાકી બધા સબંધનાં ખાલી પડેલ સ્થાન ક્યારેક ને
ક્યારેક કોઈ લઈ શકે..પરંતુ એક દોસ્તનાં
જવાથી ખાલી જગ્યા આજીવન ખાલી
જ રે'.
□●□ દરેક સંબંધનું એક આગવું સમીકરણ હોય
છે,આપણે જ્યારે એક જ સમીકરણ દરેક
સબંધમાં અપનાવવા જઈએ ત્યારે ઉભી થાય છે,
ગૂંચવણ ........
□●□ જિંદગીમાં સુખી થવું હોય તો તમારી લાગણીઓ
યોગ્ય રસ્તે છે કે નહી સમયસર ચકાસી લેવું
□●□ જે વ્યક્તિ બે આંખની ખારાશ નથી માપી શકતી
એના માટે લાગણીનો દરીયો નકામો.
□●□ તમારી લાગણીનું વજન એટલું હલકું ય ન રાખવું
કે પળમાં ઉડી જાય..એટલું ભારે પણ ન રાખવું કે
બોજ રૂપ લાગે...
□●□ તમારી લાગણી એટલી ધારદાર ન રાખવી કે કોઈ
એને શસ્ત્ર રૂપે તમારી તરફ ઉગામે..
□●□ કઈ અચાનક નથી થતું,,વૃક્ષ ધરાસઈ થાય તે
પહેલાં એનાં પર કંઈ કેટલાય પ્રહાર થાય,
એવું જ સંબંધોનું ... ક્યો પ્રહાર અંતિમ બની જાય
નક્કી નહી.
□●□ મા- બાપ ઘણીવાર પોતાની ઈચ્છાઓનું એટલું
સખત આવરણ બનાવી દે બાળકની આસપાસ કે
બાળકને સપના જોવાનો પણ અવકાશ ન મળે.
□●□ બાળકનો હુંફાળો સ્પર્શ એ ગમે તેવા દુઃખી
માણસ માટે જિજીવિષાની ગરજ સારે છે.
□●□ લાગણીની રમત ચોપાટ જેવી છે, હારેલો ખેલાડી
બમણું રમે ને હારતો જ જાય.
□●□ નસીબ ને પુરુષાર્થ નો ખેલ એવો છે,જ્યારે માણસ
નસીબમાં માનવા લાગે તો પુરુષાર્થ કરવાની
પરિસ્થિતિ સર્જાય ને જો પુરુષાર્થ કરે તો ક્યારેક
નસીબ સાથ ન આપે..
□●□ દુનિયાની કેવી વરવી વાસ્તવિકતા......
લાગણીનાં નામે અનુકૂળતા ના સૌદાઓ થાય .
