..આજે મારે , મને મળવું છે,
ખબર-અંતર પુછીને,
મોં મીઠું કરવુ છે.
જશ અને જવાબદારીની,
જંજાળ માંથી છૂટી,
મારે, મારી સાથે જીવવું છે.
.....આજે મારે , મને મળવું છે.
બાકી શું ચાલે છે?
પુછી પોતાની જાતને,
માંહ્યલો મુંઝાતો નથીને?
તે ફક્ત જાણવું છે,
.....આજે મારે , મને મળવું છે.
ફંફોળી યાદોના પાના,
જવાબ એકજ ગોતવો છે,
મરવાનું તો છે એકજ વાર,
તો રોજ રોજ શાને મરવુ છે?
.....આજે મારે , મને મળવું છે.
મનો-મંથન કરીશ તો,
વિષ પ્રથમ આવશે જ,
બની જઇશ મહાદેવ,
તો અમૃત નિશ્ચીત જ છે.
આત્મા અમર છે,
તો શીદને ડરવુ છે?
.....આજે મારે , મને મળવું છે.
-પારસ ગાંધી
