# Love You Mummy
મા તારાં કારણે તો આ જગતમાં મારું અનન્ય અસ્તિત્વ છે.તારું સ્થાન મારાં જીવનમાં ભગવાન કરતાં પણ વધારે છે.તારું એ સ્થાન મારાં જીવનમાં કોઈ ના લઈ શકે! કોઈ કવિએ એટલે તો લખ્યું છે કે,
" મીઠાં મધુર ને મીઠાં મેહુલાં રે લોલ,એથી મીઠી છે મારી માત જો, જનનીની જોડ સખી નહી જડે રે લોલ!"
મને મારું બાળપણ આટલાં વર્ષો પછી પણ યાદ છે.તું એક સાડીથી ચલાવતી અને મને નવા કપડાં,પુસ્તકો વગેરે લઈ દેતી! પેટે પાટાં બાંધીનેય તે મને ભણાવીને મોટો અધિકારી બનાવ્યો છે.મારી નીચે કેટલાય માણસો કામ કરે છે,પણ મારી અધિકારી તો તું જ છે મા તું!!!
