#LoveYouMummy
ભીંસ પડી છે શબ્દોને આજ,લેખીની ચુપચાપ છે,
સ્થાન-એ-ઈશ્વર ખતરામાં છે,માં નો પ્રેમ લખવાનો છે.
શીતળતા વૃક્ષોની આજ ઓછી લાગશે,
ટૂંક ગિરનારની એની સામે સામે ટૂંકી લાગશે,
આભ સીમિત લાગશે હવે માં નો પ્રેમ લખવાનો છે.
સ્થાન-એ-ઈશ્વર ખતરામાં છે,માં નો પ્રેમ લખવાનો છે.
કાગળ-કલમ ભેળા મળી ઉજવશે ઓચ્છવ હવે,
શબદે-શબદે છલકશે સ્વર્ગ તણું ઝરણું હવે,
આંખ્યું મારી ભીંજવશે એ, માં નો પ્રેમ લખવાનો છે.
સ્થાન-એ-ઈશ્વર ખતરામાં છે,માંનો પ્રેમ લખવાનો છે.
છે પરીક્ષા ‘કૃષ્ણ’ની આ, ભાવને દેહ કેમ આપશે?
જોડીને બે હાથ કલમ સમક્ષ તારી ઉભશે,
શ્યાહી કૃતજ્ઞતાની ઉભરાશે,માં નો પ્રેમ લખવાનો છે,
સ્થાન-એ-ઈશ્વર ખતરામાં છે,માંનો પ્રેમ લખવાનો છે.
~ કૃષ્ણ
