… બારણાં
તને જેટલાં દઉં ઓછાં 'ઓવારણાં'
મારા પોળ ના એ ઘર ના 'ઓ બારણાં'
હવે રૈ ગ્યાં છે હૈયે સંભારણાં.......
મારા પોળ ના એ ઘર ના 'ઓ બારણાં'
આવે બાપુ ની યાદ
છાયા વડની વિશાળ
હવે થૈ ગઈ એ કેવી પ્રતારણાં......
મારા પોળ ના એ ઘર ના 'ઓ બારણાં'
કાને 'માં' નો એ સાદ
મીઠો લાગે રસાળ
હવે થૈ ગ્યાં છે સૂના એ આંગણાં......
મારા પોળ ના એ ઘર ના 'ઓ બારણાં'
ચૂમું સાંકળ કમાડ
જાણે 'મા'નું કપાળ
હવે સમણાં સૌ લાગે અળખામણાં......
મારા પોળ ના એ ઘર ના 'ઓ બારણાં'
ક્યાંક ભેરુ નો નાદ
લાવે થોડો ઉન્માદ
બાકી ભીડેલાં રહેતાં એ બારણાં.....
મારા 'તોરણા' ના ઘર ના 'ઓ બારણાં'
© દેવાંશુ પટેલ
શિકાગો
8/19/2018
