#MKGANDHI
અહિંસા ને અહિંસાનું રટણ ના લાવજે ગાંધી ,
ફરી જન્મે તો તું બંદુક લઈને આવજે ગાંધી !
નથી જડતી દિશા અમને કે કઈ બાજુ જવાનું છે ,
નવી મંઝીલ ,નવા રસ્તા ફરી બતલાવજે ગાંધી !
વટાવીને ફરે છે ઠાઠથી તારા અસૂલોને ,
નપાવટ લોકના એ ટોળાને તતડાવજે ગાંધી !
તમાચો એક ગાલે જો પડે બીજો ધરી દેવો ,
પડે જો બન્ને ગાલે તો પછી ફફડાવજે ગાંધી !
ભજન ” વૈષ્ણવ જન તો એને કહીએ ” ના હવે ચાલે ,
નવી પેઢીના લોકોને નવીન ગવડાવજે ગાંધી !
નથી ફરતા પરત જે જાય છે દુનિયાને છોડી ને ,
હકીકત છે છતાં, જો શક્ય હો તો આવજે ગાંધી !
