# kavyotsav
વિષયઃ હું પ્રેમ છુું.
હું પ્રેમ છું
જિંદગીના ખરબચડા
રસ્તા પરનું
એક અનોખું
સ્મિત છું.
હું પ્રેમ છું.
આમંત્રણ ન આપ
ખુદા,
તારી જન્નતમાં મને
પૃથ્વીલોકનું હું
મીઠું મધુરું ગીત છું
તને ફાવે તો
ગુનગુનાવી લે
હું તો બધાંયનો
મીત છું,
હું પ્રેમ છું.
સ્વર્ગમાં
કયારેય પણ
મારો નિવાસ નથી
પૃથ્વીલોક જ
કાયમનું સરનામું છે
તેથી જ તો
ખુદાએ એક
બારી બનાવી છે
સ્વર્ગમાં ફકત
મને જોવા
એ પરમતત્વ છું
હું પ્રેમ છું.
સદીઓથી,
વહેંચાયલો છે સમાજ
જાતિ, ધર્મ, વર્ણના રુપમાં
પણ નામ જયાં મારું પડે
પુરું બ્રહ્માંડ એકાકાર
થઇ જાય છે
હું પ્રેમ છું.
ન ગણે
ઇતિહાસમાં મને
કેટલીય વાર
કસોટીએ ચડેલું
તત્વ છું
લગભગ હારતો જ
આવ્યો છું
છતાં આજ સુધી
અડીખમ છું
હું પ્રેમ છું.
ઇતિહાસ અને ભુગોળ
બદલાવ આપે છે
સમય સમય પર
જગતના ચાકડે
બધું જ બદલાય છે
પણ હું તો
હર યુગમાં
એમનો એમ જ છું
હું પ્રેમ છું.
- હર્ષા માહેશ્વરી (ભુજ)
