હું જ ચાલ્યો જાઉ છું.......
જીવીને જીંદગી જખમોની સાવ મરી ગયો છું
લો, હવે મરીને જીવવા હું જ ચાલ્યો જાઉ છું,
હતી છાયા જીવનસંગી એય છળી ગઈ રજનીમાં
લો, હવે પંડછાયા મેલી ! હું જ ચાલ્યો જાઉ છું,
જનમ ટાણે મુજ રુદનમાં જગત હોંશે હોંશે હસ્યું
લો, હવે જગતને રડાવી, હું જ ચાલ્યો જાઉં છું,
જીંદગીને મળી મંઝીલ, વિપદાઓની ખીણ સમી
લો, હવે મંઝીલથી દૂર, હુ જ ચાલ્યો જાઉં છું,
તું શું છોડે સાથ મારો, ઓ બેદર્દી સનમ!??
લો,હવે મારો સાથ છોડી હું જ ચાલ્યો જાઉં છું,
ખુદ પ્રભું છોડી ગયા જગને જગતના આઘાતથી!
લો,હવે સ્વધામ છોડીને,પરમધામે હું જ ચાલ્યો જાઉં છું,
જાણું છું એકવાર જગત અલવિદા કરશે જ 'અશ્ક'ને!!
લો,હવે અલવિદા કરી જગતને, હું જ ચાલ્યો જાઉં છું..
©અશ્ક રેશમિયા...
