#kavyotsav
#એક_ગીત .....
બને... એમ પણ બને.
હું જ તરછોડી દઉં મને...
તું હોય મારી જ કને
અને શોધતો રહું તને....
બને... એમ પણ બને
નફો નુકશાન ને ખાવી પડે ખોટ
જિંદગીની બહુ આકરી છે દોટ
ઝુંટવીને કોળિયો સુખનો દુઃખેથી
હસતાં ચહેરે રડવાનું પણ બને
હું જ તરછોડી દઉં મને
બને... એમ પણ બને...
આશા નિરાશામાં ડગમગતું જીવન
શોધી રહ્યું છે ક્યાંક લીલુંછમ ઉપવન
ભૂલીને જાત તોય સુક્કા તે રણમાં
જાત સાથે લડવાનું પણ બને
હું જ તરછોડી દઉં મને
બને... એમ પણ બને...
તું હોય મારી જ કને
અને શોધતો રહું તને
બને... એમ પણ બને...
નીરવ પટેલ 'શ્યામ'