#KAVYOTSAV
ગઝલ...
મરણ શૈયા ઉપર હું જીવવાની રાહ જોઉં છું,
ફરીથી જિંદગીને માણવાની રાહ જોઉં છું.
હું તો એને હૃદયમાં રાખવાની રાહ જોઉં છું,
ને એને જિંદગીભર ચાહવાની રાહ જોઉં છું.
હું એને I love you બોલવાની રાહ જોઉં છું,
હૃદયનાં રાઝ સઘળાં ખોલવાની રાહ જોઉં છું.
જીવન મારું થયું બરબાદ ખોટા માર્ગ પર ચાલી,
હવે હું સાચા રસ્તે ચાલવાની રાહ જોઉં છું.
જીવનમાં જે દરદને કારણે જીવી ગયો મિત્રો,
હવે હું એ દરદને ચૂમવાની રાહ જોઉં છું.
હું અંતિમ શ્વાસ મારી જિંદગીમાં લઇ રહ્યો છું ને,
હજી હું ખુદ જ ખુદને જાણવાની રાહ જોઉં છું.
હું કંટાળી ગયો છું આ જગતની મોહમાયાથી,
આ બંધનથી હવે હું છૂટવાની રાહ જોઉં છું.
-ઉમેશ તામસે 'ધબકાર',
વ્યારા (તાપી)
