#kavyotsav
'પ્રણય સરનામુ'
કોઈકે પૂછ્યું ... ક્યાં રહો છો?
આ ચાર દીવાલોના ઘરમાં.....
જ્યાં અનુભવું છું તૃપ્તિ તવ સંગાથે.
પ્રણયનું આ ગુલાબી પુષ્પ
ખીલ્યું, મ્હેક્યું, વિસ્તૃત થયું
સઘળી આ દીવાલોને જાણ છે.
એ સાક્ષી છે પ્રણય રંગતની
હ્રદયમાં છબી છે તારી ને તું અજાણ?
મંઝિલ શોધતા શોધતા પહોંચી એવા પ્રદેશમાં
બસ તારી ' હા ' મળે....ને ખુશીઓનું સરનામુ મળી જાય.
ખીલેલું પ્રણય -પુષ્પ પ્રકાશપુંજ બને
ચાલ...તિમિરને દૂર કર.
જીવનપંથ માં અર્પણ સઘળુંય કરી
દુઃખ રૂપી કંટક દૂર કર.
'હુ ' ને 'તું 'માંથી ચાલ ' આપણે ' થઈએ
તું જીવન નો તરંગ, તું જીવનનો ઉમંગ
તારામાં શ્વશું તારામાં વિસ્તરું, તને પહેરું
તુજ નામથી જીવન શણગારું..
તારા હ્રદયને મારું સરનામું બનાવું.
- તન્વી કે ટંડેલ.
