[08/09, 10:29 PM] Naranji Jadeja: મોબાઇલ સે મોભત કંઈયેં ...
માડુ માડુ કે દિયેતા ટારો ...
વાટ હલ ધે ગાલીયું કંઈયેં ...
સુધ છડી કંઇયેં લવારો...
કનતેં રખી કંઘ ડિંયેં ...
હથ સેં કંઈયેં પેયા ચારો...
કાં ખિલે કં મોં ફેંટઇયેં ...
પ્યો મોબાઇલ સે પનારો...
સીજ ખૂટે મોબાઈલ ન છૂટે...
રાત જા વંજેતા બારો...
મોબાઈલ જી મોકાણ મેં...
નાય કેંન્કે કોય ચેવારો ...
છોરીં એ કેત જીજો વલો...
ચેં ભચે છાલ ભટારો ...
છોરા છૈયા પેયા રાંધ રમેં ...
જી સોન ચાંદી જો ધુંધરો ...
મેડાવે જી મોજ વેઈ ...
ભેરો ભુલાણો ભાઈચારો ...
દાસ મોબાઈલ મેં કવિત હલઇયે ...
છાલ મિલે કોય વાંચે વારો...
[08/09, 10:29 PM] Naranji Jadeja: મોબાઈલ ત મુર મોઠો દેનેં...,
ઘણે કે ઘરવારી લજી દેને....,
ઘણે જી હોઈ સે જટે પણ ગેડેં....,??
મોબાઈલ ત મુર મોઠો દેને...,
બાંલુડે જો બચપન વેનાંય દેને...,
નેં માડુ એ જી મતિ ફેરાય દેનેં....,??
મોબાઈલ ત મુર મોઠો દેનેં...,
