The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
કાયા રુપાળી રમ્ય બહારોથી કમ નથી , ચાહક તમારા કાંય હજારોથી કમ નથી . ભૂલી જજે ઓ રાત તું તારા ગુમાનને , કાજલ ભરેલા નેણ સિતારોથી કમ નથી . ચુમ્યા લટે જ્યાં ગાલ ને હૈયું ઝુમી ઉઠ્યું , જોબન ભરેલું રુપ નજારોથી કમ નથી . એને કહીદો યાર ? નજર કાબુમાં રાખે , કાતિલ નયનનાં તીર પ્રહારોથી કમ નથી . આંખો ખૂલે છે , જેમ ગુલાબો ખીલી ઉઠે , સાચે જ "ચાતક" દ્રશ્ય સવારોથી કમ નથી . ગફુલ રબારી કવિ "ચાતક" .
સુકોમળ ફુલ ડુબ્યા ને તર્યા પાષાણ દુનિયામાં , હકીકત એ અહીં જોવા થયા રોકાણ દુનિયામાં . ઘણી નારી બની લાચાર દુનિયાનાં બજારોમાં , અને તેનાં અમીરોથી થયા વેચાણ દુનિયામાં . ગગનનાં તારલા રડતાં ચમનનાં ફુલડાં રડતાં , થયા એ આંખનાં આંશુ તણાં ભેલાણ દુનિયામાં . અમીરોને ગરીબોથી કશો નાતો નથી હોતો , છતાં એની ગરીબી પર થયાં ખેલાણ દુનિયામાં . હતી રંગત ભલા "ચાતક" તને સંભારણા રુપે , ખરેખર એજ રંગતનાં થયાં વેચાણ દુનિયામાં . ગફુલ રબારી "ચાતક" .
અમારા ઘર તરફ ફરકી ગયું કોઇ , મને જોઇ તરત મલકી ગયું કોઇ . બહારો સામટી ખીલી ગઈ જૂઓ , હ્રદય ભીતર જરા ધડકી ગયું કોઈ . અગાસીમાં જતી જોઇ હતી એને , પછી તો ચાંદ થઇ ઝળકી ગયું કોઈ . અરે ધબકાર ચૂકી ગઈ જુઓ ધડકન , જ્યાં આવી ઉંબરે અટકી ગયું કોઇ . ઉતાવળ શું હતી પૂછો જરા "ચાતક" ? કબર માં જોરથી પટકી ગયું કોઈ . ગફુલ રબારી "ચાતક"
જંગ , વ્યથા ને મુસીબત , બોજ બારેમાસ છે , તે છતાં પણ જિંદગીમાં મોજ બારેમાસ છે . આપવીતી કોણ જાણે હાય મારા મન તણી ? નૈન ભીતર આંસુઓની ફોજ બારેમાસ છે . પ્રેમથી કાબુ કર્યું છે મન અમે તો એટલે , દિલનાં દ્વારે દિવાળી રોજ બારેમાસ છે . મોતનાં આ રાઝને બસ પ્રેમથી પામી જવા, દેહની ભેદી બજારે ખોજ બારેમાસ છે . હો ભલે "ચાતક" જીવનમાં , ગંગુ તૈલી તે છતાં , દિલ મહીં તો એય રાજા ભોજ બારેમાસ છે . ગફુલ રબારી "ચાતક" .
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
