The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
#FRIENDSHIPSTORY સુદામો : ડૉ. સાગર અજમેરી ગયા મહિને સાપુતારા -- વઘઇ પાસે ભારે વરસાદથી હું આગળ ના જઈ શક્યો. ત્યાંના સ્થાનિક સુદામા પાસેના અંબાપાડા ગામમાં તેના ઘરે મને લઈ ગયા. માત્ર પાંચ કલાક સાથે મુસાફરીમાં બનેલી મિત્રતામાં સુદામાએ પોતાના ઝૂંપડી જેવા મકાનમાં મને આશરો આપ્યો. “અરે વાહ, મકાઇના રોટલા અને રીંગણાનું શાક..!” “હા.. આજ મારે તાં જમો.!” ટૂંકી પોતડીમાં ઉભેલા સુદામાની પાસે તેના ઉઘાડા ડીલે ઉભેલા બેઉ છોકરાં મારી સામે તાકી રહ્યા. મોડી રાત્રે “બાપુ કાંઇ જમવાનું દો ને..!” અવાજથી હું ચમકીને જાગ્યો. આ ગરીબ મિત્રએ મારા સારુ તેના બાળકોને એક રાત ભૂખ્યાં રાખ્યા..! સવારે પાછા વળતા તેને બે હજાર આપવા લંબાવેલ હાથ થંભી ગયો જ્યારે તે બોલ્યો, “આ સુદામો પણ ભાવનો જ ભૂખ્યો..!”
#FRIENDSHIPSTORY પડઘો : ડૉ.સાગર અજમેરી ૧૫ ઓગસ્ટની સવારે આણંદની ઝાયડસ હોસ્પિટલના આઇ સ્પેશિયલ વોર્ડના રૂમમાં આંખે પટ્ટી બાંધી સૂતેલા આઠ વર્ષના ક્રિષની આસપાસ તેના પરિવારજનો ચિંતાતુર મૌન ઊભા હતા. ક્રિષ પાસે આંસુ ભરેલ આંખે બેઠેલી તેની માતા યશોધરાબહેનના ખભે હાથ રાખી રેહાનાબહેન હિંમત આપતા રહ્યા. પાસે રેહાનાબેનનો દીકરો રહીમ પોતાના મિત્ર ક્રિષ સામે વારેવારે એક પછી એક આંખ મીંચકારી જોઇ રહી મૌન તોડતા બોલ્યો, “અમ્મી, મારી બે આંખ છે, હું તો એકથી પણ જોઇ શકુ, તો બીજી ક્રિષને આપી દઈશ.!” ક્રિષ માટે રહીમના બાળસહજ શબ્દો પાછળ પાછલા કોમી રમખાણમાં એકબીજાનો જીવા બચાવતા મૃત્યુ પામેલા બંનેના પિતાની મિત્રતાનો પડઘો ઝીલાયો.! દૂરથી ગીત સંભળાયું, “મઝહબ નહીં સીખાતા.!”
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
