🟠 नाचणी हलवा 🟠
🟠नाचणी ही आरोग्यासाठी फायदेशीर आहे. आहारात समाविष्ट केल्यास भूक शांत होते
नाचणी ही कॅल्शियमचा उत्तम स्त्रोत मानला जातो. यामध्ये 100 ग्रॅम मध्ये साधारण 364 मिलीग्राम कॅल्शियम असते.
उन्हाळ्याच्या दिवसात ही तब्येतीसाठी अतिशय थंड असते
🟠 साहित्य
नाचणीचे पीठ एक वाटी
गुळ अर्धा वाटी
(साखर सुद्धा वापरू शकता पाऊण वाटी साखर लागेल
आवडीप्रमाणे कमी जास्त करू शकता )
तूप एक मोठा चमचा
एक वाटी नारळाचे घट्ट दूध
एक वाटी साधे दूध
नारळाच्या दूधाचा स्वाद छान लागतो
बदाम काप सजावटी साठी
वेलदोडे पुड
🟠कृती
प्रथम नाचणीचे पीठ पॅनमध्ये घालून कोरडेच भाजून घ्या
आता हळुहळू पाऊण चमचा तूप घालत मंद आचेवर भाजत रहा
पीठ भाजल्याचा खमंग वास आल्यावर
व पिठाचा रंग बदलून तपकिरी झाल्यावर
त्यात दूध घालून हलवत रहा
🟠थोडया वेळातच मिश्रण आळत येईल
परत त्यात नारळाचे दूध घालून हलवत रहा
पाच मिनीटात पिठ चांगले शिजेल
आता यात गुळ घाला
मिश्रण पातळ होईल ते घट्ट होईपर्यंत हलवत रहा
🟠मिश्रण पॅनच्या कडा सोडू लागले उरलेले तूप घालून हलवून घ्या व गॅस बंद करा
(यामुळें हलव्याला चकाकी येईल)
शेवटी वेलदोडे पुड घालून घ्या
वरती बारीक बदाम काप घाला
पौष्टिक असा नाचणीचा हलवा तयार आहे
🟠गरम गरम खायला घ्या
अथवा थंडगार करुन खायला सुद्धा चांगला लागतो 😋
